Балалардың отпен ойнауы

Балалардың отпен ойнауы

 

               Көктемгі-жазғы кезеңде өрттің себебі - терек мамығын өртеу болуы мүмкін. Көптеген балалар терек мамығын жағу арқылы көңіл көтеруді жақсы көреді. Олар жалынның үлпілдек ақ кілемде қалай жылдам таралатынын көргісі келеді. Бірақ бұл уақытта мұндай көңіл көтеру үлкен өртке, тіпті адам өліміне әкелуі мүмкін деп ойлайтындар аз. Сонымен қатар, балалар ғана емес, ересектер де сөндірілмеген темекі немесе сіріңке лақтыру арқылы орман қорына қауіп төндіреді. Терек мамығы тез тұтанады, барлық бағытта бірден жылдам таралады. Нәтижесінде өрт санының күрт өсуі байқалады. Ағаш ғимараттар, сондай-ақ автомобиль көлігінің гараждары мен автотұрақтары өрттің ең үлкен қаупіне ұшырайды.

            Өрттің пайда болуын болдырмау үшін өрт қауіпсіздігінің қарапайым ережелерін сақтау қажет:

1. Мамық жиналған жерлерді, әсіресе ағаш ғимараттарды үнемі тазалап отыру керек, балалар мен жасөспірімдердің оны өртеп жіберуіне жол бермеу керек;
2. Кәсіпорындар мен мекемелерде темекі шегу режиміне бақылау жасау, от жағуға және қоқысты жағуға қатаң тыйым салу, дәнекерлеу жұмыстарын жүргізуге дайындықты мұқият жүргізу, қосымша өртке қарсы нұсқаулықтар жүргізу қажет;
3. Аумақта су бөшкелерін, алғашқы өрт сөндіру құралдары бар қалқандарды (өрт сөндіргіштер, құм, багралар, күректер және т. б.) орнату, өртке қарсы су құбырларын іске қосу;
4. Өрт қауіпсіздігі шаралары туралы қосымша нұсқаулар беру;
5. Өрттің алдын алу үшін тротуарларды, жолдарды және мамық жиналатын жерлерді күнделікті тазалауды, су құюды ұйымдастыру ұсынылады;
6. Жасөспірімдер мен кішкентай балалардың от жағуға қатысты барлық ойынын тоқтатыңыз.

БҚО ТЖД МЕМЛЕКЕТТІК ӨРТ БАҚЫЛАУ БАСҚАРМАСЫ