Órt sóndirý-qutqarý sporty boıynsha jasóspirimder arasynda QR XII jazǵy chempıonaty

2022 жылғы 11-16 шілде аралығында Шымкент қаласында өрт сөндіру-құтқару спорты бойынша жасөспірімдер арасында ҚР XII жазғы чемпионаты өтті . Чемпионатқа 13-14 жас, 15-16 жас және 17-18 жас тобынан 17 команда қатысты.

10 шілде күні Шымкент қаласының орталық стадионында чемпионаттың салтанатты ашылуы өтті.

11 шілдеде шабуыл сатысымен көтерілетін жарыстың бірінші түрі өтіп, Батыс Қазақстан облысының командасы 3 орынды иеленді.  Жеке есепте Никита Мухамадеев жоғары топтағы жасөспірімдер арасында 3 орын алды. Абылай Серіков кіші топтағы жасөспірімдер арасында 1 орынға ие болды.

Екінші жарыс күні 100 м. кедергілері бар жолақтан өту сайысында БҚО командасы 2 орынға ие болды. Жеке есепте кіші топ  арасында Абылай Серіков 1 орын алды. 3 орынды аға топтар арасында Райымбек Райымқұлов иеленді.

15 Шілдеде 100м. бойынша 4 өрт эстафетасы өтті, онда БҚО командасы 1 орынға ие болды.

Жауынгерлік қанат жаю қорытынды сайыс түрінде БҚО командасы 1 орынға ие болды. Нәтижесінде БҚО командасы жалпыкомандалық есепте 1 орынға ие болды.

Ағымдағы жылы 21 шілде күні жеңімпаздарды  Батыс Қазақстан облысының әкімдігі, Орал қаласының әкімдігі және Батыс Қазақстан облысының Төтенше жағдайлар департаменті құттықтап,  марапаттады.

Сондай-ақ, "ҚР ТЖМ БҚО ТЖД ӨС және АҚЖҚ" ММ (Орал қ.)ММ қалалық бөлімшелер арасында өрт сөндіру-құтқару спорты бойынша жарыстың ашылу салтанаты өткізілді.