Тұрғын үй секторындағы өрт қауіпсіздік ережелері

Тұрғын үй секторындағы өрт қауіпсіздік ережелері

 

2020-2021 жж. жылыту кезеңінің басынан бастап тұрғын үй секторында 136 өрт тіркелді, онда 6 адам қаза тауып және 5 адам түрлі дәрежедегі жарақат алды.

Тұрмыстық өртті азайтудың бірден-бір жолы, қоғамда үгіт-насихат жұмысын кеңінен жүргізу, тұрғындарға өрт қауіпсіздік ережелерін түсіндіру, дұрыс әрекет етуді үйрету және өрт қауіпсіздік ережелерін қатаң сақтау болып табылады.

Осыған сәйкес, БҚО ТЖД қызметкерлері тұрғын үй секторындағы өрттердің алдын алу мақсатында жергілікті полиция қызметінің қызметкерлері және газ шаруашылығы қызметінің мамандарымен бірлесіп тұрғындарға жадынамалар тарату арқылы түсінік жұмыстарын ұйымдастырды.

БҚО Төтенше жағдайлар департаменті үйдегі өртті болдырмау мақсатында ЕСКЕРТЕДІ:

• Электр сымдарының, ажыратқыштардың, розеткалардың, электр қондырғылары мен жабдықтарының жарамдылығын қадағалауды;
• Қолдан жасалған электр қыздырғыш құрылғыларды қолданбауды;
• Бөлмелерді жылытуға газ плиталарын пайдаланбауды;
• Үйден шығарда барлық газ және электр құрылғылары өшірілгеніне көз жеткізуді;
• Жылыту пештерін уақытылы жөндеп, түтіндіктерді күйеден тазалап тұруды;
• Сіріңкелер мен оттықтарды балалардың қолдары жетпейтін жерде сақтауды, сондай-ақ кішкентай балаларды қараусыз қалдырмауды;
• Төсек орнында шылым шекпеуді;
• ЕСІҢІЗДЕ БОЛСЫН, өртті сөндіргенше, алдын алу оңай!

 

 

БҚО ТЖД Мемлекеттік

өрт бақылау басқармасы