Ғимараттар мен құрылыстарға өрт техникасы үшін өту жолдарын қамтамасыз ету
Ғимараттар мен құрылыстарға өрт техникасы үшін өту жолдарын қамтамасыз ету
Орал қаласының Төтенше жағдайлар басқармасы БҚО ТЖД «ӨСжАҚЖҚ» ММ қызметкерлерімен, Жергілікті атқарушы органдармен және Орал қаласының полиция басқармасымен бірлесіп ғимараттар мен құрылыстарға өрт сөндіру техникасының өтуін қамтамасыз ету бойынша рейдтер өткізді. Рейдтік іс-шаралар барысында жергілікті телеарнадан (ТДК42, Ақжайық) сөз сөйлеу ұйымдастырылды.
Қала тұрғындары мен ПИК төрағаларына техникалық регламент талаптары түсіндірілді («өрт қауіпсіздігіне қойылатын жалпы талаптар»):
Ғимараттар мен құрылыстарға арнайы немесе функционалдық өту жолдары мен кіреберістері бар өрт техникасына арналған өрт өту жолдары мен кірме жолдар құрылғысы қамтамасыз етілуі тиіс.
Ғимараттар мен құрылыстарға жолдар, өту жолдары мен кіреберістер өрт техникасының өтуі үшін қолжетімді болуы және жарамды күйде ұсталуы, ал қыста қардан тазартылуы тиіс. Шлагбаумдардың жалпы кеңістігімен (ауласымен) біріктірілген тұрғын үйлер топтарының аумағына кіру алдында персоналдың тәулік бойы кезекшілігі бар стационарлық бекет ұйымдастырылады және шлагбаумдар оларды қолмен ашуға арналған құрылғымен қамтамасыз етіледі.
Жолдар мен өтпе жолдарды жөндеу үшін немесе өрт техникасының өтуіне кедергі келтіретін басқа да себептер бойынша жабу туралы оларды пайдалануға жауапты ұйым шығу ауданында осы жолдар мен өтпе жолдар бар мемлекеттік өртке қарсы қызмет органдарына уақтылы хабарлауға тиіс.
Жолдарды жабу кезеңінде тиісті орындарда айналып өту бағытының көрсеткіштері орнатылуы немесе жолдың немесе өтпе жолдардың жөнделетін учаскелері арқылы өткелдер салынуы тиіс.
Өрт сөндіру техникасының өтуіне кедергі келтіретін ғимараттар мен құрылыстарға өту жолдарында және кіреберістерде автокөліктің тұруына тыйым салынады.
Өту жолдарын орнату кезінде өрт техникасының тұрғын ғимараттарға, оның ішінде жапсарлас-жанастыра салынған үй-жайларға өту мүмкіндігін және өрт сөндірушілердің автосатылар мен автокөтергіштерден кез келген пәтерге немесе үй-жайға кіру мүмкіндігін қамтамасыз ету қажет.
Орал қ. ТЖ басқармасы