Тұрғын үй секторларында жүргізілген рейдтік іс-шаралар
Тұрғын үй секторларында жүргізілген рейдтік іс-шаралар
Күзгі–қысқы өрт қауіпті кезеңде өрттерге байланысты қайғылы оқиғалардың алдын алу мақсатында, профилактикалық жұмыс аясында Қызметтің №23 ӨСБ және Шыңғырлау ауданы төтенше жағдайлар басқармасы қызметкерлері қарттар мен көпбалалы отбасылардың тұрғылықты жерлері бойынша рейд түрінде профилактикалық жұмыстар ұйымдастырып, нұсқама таратты.
Әрбір үй иесі мен тұрмыста өрт қауіпсіздігі ережелерін сақтау қажеттілігі туралы әңгіме жүргізілді,сондай-ақ тұрғын үй мен шаруашылық құрылыстарын өрт-қауіпсіз жағдайға келтіру бойынша үгіт-насихат материалдары мен ұсыныстар берілді. Электр сымдарына, пештерге және жылыту аспаптарына ерекше көңіл бөлінеді.
Жылыту маусымы кезеңінде келесі негізгі қауіпсіздік ережелерін сақтау ұсынылады:
- жылыту маусымы басталар алдында пештер мен түтіндіктерді тазалау, жөндеу және бөлу, жырықтарды бітеу қажет;
- жанып жатқан пешті қараусыз немесе жас балаларды қараусыз қалдыру өте қауіпті. Пештерді жағу үшін жанғыш және тез тұтанатын сұйықтықтарды қолдануға болмайды;
- кез-келген пештің дербес іргетасы болуы керек және қабырғалардың бір жазықтығымен ағаш конструкцияларға жанаспауы керек. Олардың арасында ауа аралығын қалдыру керек;
- ағаш еденде оттықтың алдында металл (оттықта) төселім болуы қажет.;
- ұйықтауға 3 сағатқалғанда пеш жағу тоқтатылуы тиіс;
- қалауда жарықтың пайда болуын болдырмау үшін, мұржаны жиналып қалған күйеден мезгіл-мезгіл тазалау керек;
- пешке заттар мен шикі отынды кептірмеңіз. Және жиһаз, перделер жанып жатқан пештің массивінен кем дегенде жарты метрде болуын қадағалаңыз;
- пешті ұзындығы бойынша оттыққа сыймайтын отынмен жылытуға болмайды. От жалыны сыртқа шығып, жақын жатқан заттарға, еденге және қабырғаға шығуы мүмкін;
- ғимараттардың жанатын және қиын жанатын конструкциялары (қабырғалар, қалқалар, аражабындар, арқалықтар) пештерге және түтін өткізгіш құбырларға жанатын жерлерде жанбайтын материалдардан бөлшектеу қарастырылуы қажет.;
- пештерді жөндеу мен салуға тек мамандарды тарту керек.
Шыңғырлау ауданы Төтенше жағдайла рбөлімі еске салады, өрттің шығуына және жазатайым оқиғаларды болдырмау үшін өрт қауіпсіздігі талаптары қатаң сақталуы қажет.
Өрт болған жағдайда "101" және "112"бірыңғай құтқару нөміріне қоңырау шалу қажет. Кез келген ұялы байланыс операторларына қоңырау шалу тегін!
Шыңғырлау ауданының ТЖБ
аға инженер азаматтық қорғау аға лейтенанты Дулатов Ж. Д.