Облыс аумағында болып жатқан өрттердің 70%-ға жуығы тұрғын үй секторына тиесілі. Негізгі себептердің арасында отты абайсыз қолдану (темекі шегу, ашық от көздерін пайдалану, балалардың абайсызда отпен ойнауы) және электр аспаптарының ақаулығы ерекшеленеді.
Өрт – тұтану көзінің жанғыш материалдармен жанасуы нәтижесінде пайда болады. Жану қаупін болдырмау үшін осы нысандарды бір-бірінен оқшаулау қажет. Егер электр аспаптарының ашық жалыны немесе ыстық беті жұмыс істеу үшін пайдаланылса, тез тұтанатын құралдар мен заттарды қауіпсіз қашықтыққа алып тастау қажет.
Көбінде, өрт бұл кездейсоқтық емес, жеңіл ойлау және өрт қауіпсіздігі ережелерін елемеу нәтижесі.
Қайғылы жағдайларды болдырмау үшін:
Абайсызда темекі шегу ерекше қауіпті. Балконнан лақтырылған, өшірілмеген темекі тұқылдары немесе сіріңкелер өрттің себебі болып табылады. Мас күйінде төсекте темекі шегу қайғылы жағдайға әкеледі. Темекі құмыраларын картон немесе пластик қораптарға, консервілердің банкаларына салуға болмайды, олардың қабырғалары жылуды оңай өткізеді. Бықсыған темекілерді жанғыш материалдармен жанасуын болдырмай, әйнек, металл немесе керамикалық күл салғыштарға мұқият салу қажет.
Өрт қауіпсіздігі ережелері қарапайым, оларды бұлжытпай орындау өмірді, мүлікті және тұрғын үйді сақтайды. Ашық от және электр тоғымен жанаспайтын жерде өрт туындамайды, сондықтан қағаздан, матадан, ағаштан жасалған бұйымдарды газ плиталары мен электр құралдарынан алып тастау қажет. Жертөлелерде жанар-жағармай материалдары, бензин және т.б. сақтауға тыйым салынады.
БҚО ТЖД Мемлекеттік өрт бақылау басқармасы