Авариялық-құтқару жұмыстары кезінде зардап шегушілермен қарым-қатынас ережелері

Бұл принциптерді тек психологтар ғана емес, сонымен қатар төтенше жағдайда зардап шеккен адамдарға көмектесуге тырысатын басқа адамдар да, құтқарушылар, өрт сөндірушілер білуі және сақтауы керек.

1. Сөйлеуде күрделі сөйлемдер болмауы керек, мысалы: "кешіріңіз, өтінемін....Сіз жасай аласыз ба?..». Бұл зардап шеккендердің зейінін шоғырландыруға байланысты психикалық функциялары бұзылуына және сіздің ойларыңыздың барысын бақылау қиынға соғатындығына байланысты ескерілуі керек.
2. Төтенше жағдай аймағында жұмыс істеген кезде адамдарға "болмайды" сөзін қолданудан аулақ бола отырып, қысқа, нақты командалар беру керек. Сонымен қатар, сіз орындай алмайтын уәделерді бермеуіңіз керек (мысалы, адамды тыныштандыру үшін, жақсы ниетпен де уәде бермеуіңіз керек);
3. "Бәрі жақсы болады!" сөйлемін қолданбау. Сіз зардап шегушіге қашан жақсы болатынын біле алмайсыз (жақын адам қайтыс болған немесе баспанасы жоғалған жағдайда).
4. Зардап шеккендермен сөйлескенде шындықты айту керек. Алайда, ақпарат беру кезінде сіз бірқатар ережелерді есте сақтауыңыз керек:

Біріншіден,  мөлшерленген, өзекті және сенімді ақпарат түрінде болуы керек.

Екіншіден, зардап шеккендермен жұмыс істейтін мамандар сөйлеу, мимика және жест-ишараға әсер ететін эмоционалды күйін бақылауы керек. Сөйлесу барысында  "Мен сенімен біргемін!", "Көмек келді!", "Мені тыңда!" секілді сөздерді қолданған жөн.

Зардап шеккендермен қарым-қатынас жасау кезінде бет әлпетіңізде жайлылық, сөзіңізде  сенімділік болуы керек. Сіз зардап шеккендерге өзіңіздің абдырап қалғаныңызды, тіпті паника жағдайында екеніңізді көрсетпеуіңіз керек.

Шұғыл психологиялық көмек көрсетудің мақсаты-зардап шегушінің психикалық және психофизиологиялық әл-ауқатын жақсарту.

БҚО ТЖД психологиялық қызмет