Қанат Алтынбеков 1979 жылғы 30 шілдеде Алматы облысы Ескелді ауданы Қарабұлақ ауылында дүниеге келген. 2001 жылы Қазақ мемлекеттік аграрлық университетін, 2006 жылы І. Жансүгіров атындағы Жетісу мемлекеттік университетін «инженер-электрик» және «құқықтану» мамандықтары бойынша бітірді.

Еңбек қызметін Алматы облысындағы өртке қарсы қызметтің Текелі қаласындағы №24 өрт сөндіру бөлімінде инспектор лауазымында бастады.

2010 жылдан бастап бірқатар басшылық лауазымдарды атқарды:

2010 жылы — Көксу ауданының төтенше жағдайлар бөлімінің (ТЖБ) бастығы, 2012 жылдан — Еңбекшіқазақ ауданы ТЖБ бастығы, 2013 жылдан — Алматы облысы ТЖД кадр жұмысы басқармасының бастығы, кейін — Алматы облысы ТЖД төтенше жағдайлардың алдын алу басқармасының бастығы, сондай-ақ апат тәуекелдерін төмендету және азаматтық қорғау саласындағы бақылау басқармасы бастығының орынбасары.

2019 жылдан 2022 жылғы шілдеге дейін Талдықорған қаласының төтенше жағдайлар басқармасын басқарды.

2022–2025 жылдары — Жетісу облысы ТЖД бастығының орынбасары.

2025 жылғы маусымнан — Астана қаласы ТЖД бастығының орынбасары.

2025 жылғы 29 қазаннан бастап Жетісу облысы ТЖД бастығының міндетін уақытша атқарушы болып тағайындалды.

2025 жылғы 1 желтоқсан айынан Жетісу облысы ТЖД бастығы болып тағайындалды.

Ведомстволық наградалар:

- "Өртке қарсы қызмет органдарындағы мінсіз қызмет үшін" ІІ, ІІІ дәреже;

- "Төтенше жағдайлар жүйесін дамытуға қосқан үлесі үшін" төс белгісі.