Жол-көлік оқиғаларының ұлғаюына байланысты Жамбыл облысы Төтенше жағдайлар депаратаментінің басшылығының тапсырмасына сәйкес Өрт сөндіру және авариялық-құтқару жұмыстары қызметінің мәжіліс залында Ішкі істер бөлімінің қызметкерлерін шақырта отырып, жиналыс өткізілді.
Яғни, ағымдағы жылдың 22 шілдесінде Жамбыл облысы ТЖД Өрт сөндіру және авариялық-құтқару жұмыстары қызметінің мәжіліс залында жолда жүру ережелерінің бойынша Өрт сөндіру мекемесінің және қалалық өрт сөндіру бөлімдерінің, сондай-ақ шұғыл-құтқару жасағы, сонымен қатар Тараз қаласы Төтенше жағдайлар басқармасының қызметкерлерімен жиналыс өтті.
Аталған шараға Тараз қалалық №1 және №2 Ішкі істер бөлімдерінің қызметкерлері, полиция лейтенанттары Руслан Рахымбайұлы Мадыкулов пен
Арман Нұрханұлы Қырғызбай арнайы қонақ ретінде шақырылды.
Ішкі істер қызметкерлері өз кезегінде қала ішінде «Сергек» камералары ақырындап орнатыла бастағандығын тілге тиек етті. Одан әрі облыс бойынша орын алған жол-көлік оқиғалары бойынша мәліметтерді мысал ретінде келтірді. Жиналысқа қатысушылар инспекторларға көкейде жүрген сауалдарын қойып, өз кезегінде тиісінше тұщымды жауаптар алды.
Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы