Ағымдағы жылдың 21 шілде күні Жамбыл облысы ТЖД Өрт сөндіру және авариялық-құтқару жұмыстары қызметінің және Тараз қаласы ТЖ басқармасының қызметкерлері 2022 жылғы идеологиялық жоспарға сәйкес, жемқорлықтың алдын алу және өзге де құқық бұзушылықтар мен қылмысқа жол бермеу мақсатында Қазақстан Республикасы Ішкі істер министрлігі Қылмыстық-атқару жүйесі комитетінің ЖД-158/5 мекемесінде жазасын өтеушілердің күн тәртібімен, оларға тиісті жазаларына орай шығарылған үкімдермен танысты.
Аталған түзету мекемесінде екі жүзден астам адам жазаларын өтейді екен. Олар сыбайлас жемқорлық фактілері мен алаяқтық, ұрлық, мас күйде көлік жүргізу салдарынан адам өліміне әкелген жол-көлік оқиғалары және т.б. қылмыстық істер бойынша жазаларын өтеуде.
Жеке құрам аталған қоныс-колониясында пара алу үстінде ұсталған азаматтық қорғау органдарының да қызметкерлерінің бар екендігіне көз жеткізді. Ал өз кезегінде колонияда қызмет атқаратын Ішкі істер органының қызметкерлері мамандарға жұмыстарына сәттілік тілеп, күрделі өмір жолында аяқтарын шалыс баспауға шақырды
Жамбыл облысы ТЖД баспасөз қызметі