Жамбыл облысы ТЖ Департаментінде Қазақстан Республикасының Президенті Қасым-Жомарт Тоқаевтың «Халық бірлігі және жүйелі реформалар – елдің өркендеуінің берік негізі»атты Жолдауын жан-жақты түсіндіру бойынша сұқбаттасу шарасы өтті.
Ұжым алдында Департамент бастығы полковник Момбаев Ермек Жамбылұлы сөз сөйледі. Өз сөзінде ол Мемлекет басшысының Қазақстан халқына жыл сайынғы Жолдауының үлкен саяси, экономикалық және әлеуметтік маңызы зор екенін, бұл құжат ел дамуының негізгі бағыттарын білдіретінін атап өтті. Елдің экономикалық дамуының қарқынды дамуы үшін әлеуметтік проблемалар мен міндеттерді шешу қажет екендігі сөзсіз.
Қорытындылай келе, облыс ТЖ департаментінің бастығы Президенттің жолдауы Қазақстанның болашақ дамуы жолында маңызды рөл атқаратынын, сондықтан Департамент ұжымы осы құжатты басшылыққа ала отырып, Жолдаудың тармақтарын іске асыру жолында табыстарға жету үшін барлық күш-жігерін жұмсайтынын тілге тиек етті.
Жамбыл облысы ТЖД
Баспасөз қызметі