«Қазгидромет» РМК филиалының дауылдық ескертуіне сәйкес, 07 қаңтарда түнде Жамбыл облысының таулы аудандарында қар, жаяу бұрқасын, күндіз жауын-шашын (жаңбыр, қар), көктайғақ, таулы аудандарында қатты жауын-шашын (жаңбыр, қар) күтіледі. Облыстың солтүстігінде, оңтүстігінде, таулы аудандарында тұман күтіледі. Жел оңтүстік-батыстан соғады, облыстың оңтүстік-батысында, солтүстік-шығысында, таулы аудандарында 15-20 м/с, күндіз кей уақыттарда 23-28 м/с. 08 қаңтарда түнде қар, таулы аудандарында кей уақыттарда қатты қар жауады. Облыстың солтүстігінде, оңтүстігінде, таулы аудандарында тұман, көктайғақ, жаяу бұрқасын күтіледі. Жел солтүстік-батыстан соғады, облыстың оңтүстік-батысында, солтүстік-шығысында, таулы аудандарында 15-20 м/с, кей уақыттарда 23-28 м/с. Ауа температурасының түнде 3-8, облыстың солтүстігінде, таулы аудандарында 11 градус аязға дейін күрт төмендеуі күтіледі.
Тараз қ.: 07-08 қаңтарда кей уақыттарда тұман күтіледі. 08 қаңтарда кей уақыттарда көктайғақ күтіледі. Оңтүстік-батыстан соғатын жел солтүстік-батыс желіне ауысады, 07 қаңтарда таңертең және күндіз екпіні 15-20 м/с, кей уақыттарда 25 м/с, 08 қаңтарда екпіні 15-20 м/с, түнде және таңертең 25 м/с күтіледі.