«Қазгидромет» РМК филиалының дауылдық ескертуіне сәйкес, 12 наурызда күндіз Жамбыл облысының оңтүстігінде, таулы аудандарында қатты жаңбыр, найзағай, 13 наурызда түнде облыстың оңтүстігінде, таулы аудандарында қатты жауын-шашын (жаңбыр, қар) күтіледі. 11-13 наурызда облыстың оңтүстігінде, таулы аудандарында тұман күтіледі. 13 наурызда облыстың оңтүстігінде, таулы аудандарында көктайғақ күтіледі. 11-13 наурызда оңтүстік-батыстан соғатын жел солтүстік-батыс желіне ауысады, 11 наурызда күндіз, 12-13 наурызда тәулік бойы облыстың оңтүстік-батысында, солтүстік-шығысында, таулы аудандарында күші 15-20 м/с, 12 наурызда күндіз екпіні 23-28 м/с күтіледі.

Тараз қ.: 13 наурызда түнде қатты жауын-шашын (жаңбыр, қар) күтіледі. 12 наурызда күндіз найзағай күтіледі. 11-12 наурызда түнде және таңертең тұман күтіледі. 12-13 наурызда оңтүстік-батыстан соғатын жел солтүстік-батыс желіне ауысады, таңертең және күндіз екпіні 15-20 м/с күтіледі.