Қабылддау кестесі

БЕКІТЕМІН Жамбыл облысының Төтенше жағдайлар департаментінің  бастығы полковник  ________  Е. Момбаев ___ сәуір 2022 жыл

 

 

Жамбыл облысы Төтенше жағдайлар департаменті  басшылығының 2022  жылғы IІ-ші тоқсанына 

арналған  жеке және заңды тұлғалардың өкілдерін қабылдау  КЕСТЕСІ

 

Департаменттің атауы	Қабылдауды жүргізетін тұлғаның аты-жөні	Қабылдау жүргізетін тұлғаның  лауазымы	Қабылданатын уақыты және күні	Мекен-жайы	Байланыс телефоны
Жамбыл облысы Төтенше жағдайлар департаменті	полковник Момбаев Ермек Джамбулұлы	Департамент бастығы	Сәрсенбі, Жұма    17.00-18.00 Аптасайын	Тараз қаласы,   Желтоксан көшесі  13	45-57-20
	полковник Қосыбаев Мақсат Амантайұлы	Департамент бастығының орынбасары	Күнделікті    16.00-17.00	Тараз қаласы,   Желтоксан көшесі  13	45-57-10
	азаматтық қорғау полковнигі                               Ақылбеков Ералы Нұрғалиұлы	Департамент бастығының орынбасары	Күнделікті  15.00-16.00	Тараз қаласы,   Желтоксан көшесі  13	45-17-37
Ескерту:   Жеке тұлғаларды және заңды тұлғалардың  өкілдерін   қабылдау  бекітілген кестеге сәйкес жүргізіледі. Департамент басшылығының алдына ала жазылуды хатшы  Усаева Айгерім Берікқызы   жүргізеді,  тел. 45-57-20           Сенім телефоны т.45-77-86.

"Жамбыл облысы төтенше жағдайлар Департаменті " ММ

өтініштерді қарау тәртібі

 

Департаментте жеке және заңды тұлғалардың өтініштерін қарау Қазақстан Республикасының 2020 жылғы 29 маусымдағы № 350-VI ҚРЗ  «Қазақстан Республикасының әкімшілік рәсімдік-процестік Кодексі» (бұдан әрі-Кодекс),

16 қарашадағы №401 "Ақпаратқа қол жеткізу туралы" Заңының және Қазақстан Республикасы Бас Прокуратурасының 2021 жылғы 19 мамырдағы "Мемлекеттік органдарға, жергілікті өзін-өзі басқару органдарына, мемлекет жүз пайыз қатысатын заңды тұлғаларға келіп түсетін жолданымдарды тіркеу, есепке алу, сондай-ақ «Электрондық жолданымдар» ақпараттық-талдау жүйесін жүргізу қағидаларын бекіту туралы" №70 бұйрығының негізінде жүзеге асырылады.

 

 

Жеке және заңды тұлғалардың өтініштерін тіркеу, есепке алу тәртібі

 

"ҚР ТЖМ Жамбыл облысы төтенше жағдайлар Департаменті" ММ   келіп түскен жолданым, хабарлама, сұрау салу, пікір және ұсыныс «Электрондық жолданымдар» АТЖ-да міндетті түрде тіркеледі.

Жолданымды, хабарламаны, сұрау салуды, пікірді және ұсынысты тіркеу Қазақстан Республикасы Әкімшілік рәсімдік-процестік кодексінің (бұдан әрі – Кодекс) 64-бабымен көзделген мерзімде  жүргізіледі.

        

Жолданымға қойылатын жалпы талаптар

1. Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
2. Жазбаша нысанда не электрондық құжат нысанында берілген жолданымда, хаттамада:

      1) жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);

      2) жолданым берілетін әкімшілік органның, лауазымды адамның атауы;

      3) жолданымның мәні;

      4) жолданымның берілген күні;

      5) арыз иесінің немесе оның өкілінің қолы;

      6) Қазақстан Республикасының заңнамасында көзделген өзге де мәліметтер көрсетіледі.

3. Егер Қазақстан Республикасының заңдарына сәйкес әкімшілік рәсім ақылы негізде жүзеге асырылса, арыз иесі төлемді растайтын құжатты ұсынуға тиіс.

Жолданымды қабылдау, тіркеу, қайтару және кері қайтарып алу.

1. Осы Кодексте белгіленген тәртіппен берілген жолданым міндетті түрде қабылдануға, тіркелуге, есепке алынуға және қаралуға жатады.

 Жолданымды қабылдаудан бас тартуға тыйым салынады.

2. Жолданым мемлекеттік органға, жергілікті өзін-өзі басқару органына, мемлекет жүз пайыз қатысатын заңды тұлғаға берілген жағдайда арыз иесіне күні мен уақыты, жолданымды қабылдаған адамның тегі мен аты-жөні, лауазымы көрсетілген талон беріледі.
3. Жолданым келіп түскен күні тіркеледі.

      Егер жолданым жұмыс істемейтін күні келіп түскен болса, онда ол жақын уақыттағы кейінгі жұмыс күнімен тіркеледі.

4. Жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.
5. Әкімшілік рәсімге қатысушылардың мемлекеттік органдардың басшыларына және олардың орынбасарларына бейнеконференц-байланыс немесе бейнежолданым арқылы жолданым беру тәртібін ақпараттандыру саласындағы уәкілетті орган айқындайды.
6. Жолданым осы Кодекстің 63-бабында белгіленген талаптарға сәйкес келмеген жағдайда, әкімшілік орган, лауазымды адам арыз иесіне жүгіну қандай талаптарға сай келмейтінін көрсетеді және оны талаптарға сәйкес келтіру үшін ақылға қонымды мерзімді белгілейді.
7. Егер арыз иесі жолданымды әкімшілік орган, лауазымды адам белгілеген мерзімде Қазақстан Республикасы заңнамасының талаптарына сәйкес келтірмесе, әкімшілік орган, лауазымды адам оны қайтарады.
8. Жолданымды қайтару қайта жүгінуге кедергі келтірмейді.
9. Арыз иесі әкімшілік іс бойынша шешім қабылданғанға дейін жолданымды өзінің жазбаша арызы негізінде кері қайтарып ала алады.

      Арыз иесінің жолданымды кері қайтарып алуы мерзімдер сақталған кезде, егер Қазақстан Республикасының заңдарында өзгеше көзделмесе, оны қайта жолданым беру құқығынан айырмайды.

 

65-бап. Жолданымды уәкілетті әкімшілік органға, лауазымды адамға әрі қарай жолдау

 

1. Жолданымды қарау өкілеттігіне кірмейтін әкімшілік органға, лауазымды адамға келіп түскен жолданым, келіп түскен күнінен бастап үш жұмыс күнінен кешіктірілмейтін мерзімде әкімшілік рәсімге қатысушыға бір мезгілде хабардар ете (хабарлай) отырып, уәкілетті әкімшілік органға, лауазымды адамға жолданады.
2. Жолданымда қамтылған бір немесе бірнеше өтінішхатты, талаптарды қарау өкілеттігіне кірмейтін әкімшілік органға, лауазымды адамға олар келіп түскен күннен бастап үш жұмыс күнінен кешіктірілмейтін мерзімде әкімшілік рәсімге қатысушыға бір мезгілде хабардар ете (хабарлай) отырып, уәкілетті әкімшілік органға, лауазымды адамға одан әрі жолданады.
3. Одан әрі жолданған жолданым немесе оның бөлігі бойынша уәкілетті әкімшілік орган, лауазымды адам осы Кодексте белгіленген тәртіппен әкімшілік рәсімді қозғайды.

 

 

Дата публикации

12 апреля 2022