|
|
Қазақстан Республикасының Төтенше жағдайлар министрлігі Жамбыл облысының Төтенше жағдайлар департаментінің
2021 жылғы 9 сәуірдегі
№ 94 бұйрығына 15-қосымшасы
|
Қазақстан Республикасының Төтенше жағдайлар министрлігі
Жамбыл облысының Төтенше жағдайлар департаменті
Тылдық қамтамасыз ету тобы туралы
Ереже
1 тарау. Жалпы ережелер
- Қазақстан Республикасының Төтенше жағдайлар министрлігі Жамбыл облысының Төтенше жағдайлар департаменті тылдық қамтамасыз ету тобы (бұдан әрі – топ) Қазақстан Республикасының Төтенше жағдайлар министрлігі Жамбыл облысының Төтенше жағдайлар департаментінің (бұдан әрі – Департамент) құрылымдық бөлімшесі болып табылады.
- Топ өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
- Топтың құрылымы, штат саны Департаменттің штат кестесімен айқындалады.
- Топ бас мамандардан тұрады.
2 тарау. Негізгі міндеттері, функциялары, құқықтары
топтың міндеттері
- Міндеті: мемлекеттік сатып алу процесін ұйымдастыру.
Функциялар:
- мемлекеттік сатып алуды жүзеге асыру қағидаларында көзделген тәртіппен және мерзімдерде мемлекеттік сатып алудың жылдық жоспарын (мемлекеттік сатып алудың алдын ала жылдық жоспарын) әзірлеу және бекіту;
- мемлекеттік сатып алу туралы шарттардың орындалуын бақылау;
- аумақтық ведомстволық бағынысты мекемелердің жылыту маусымына дайындығы жағдайында әкімшілік ғимараттар мен тұрғын емес үй-жайлардың үздіксіз жұмыс істеуі үшін жанар-жағармай материалдарын сатып алуды бақылау;
- Департаментті материалдық-техникалық жабдықтауға мемлекеттік бюджет қаражатын пайдалану бойынша бөлінген қаражат негізінде ұсыныстар әзірлеу.
- конкурстық құжаттаманы, оның ішінде мемлекеттік сатып алу туралы заңнама талаптарына сәйкестікке техникалық ерекшелікті әзірлеуге қатысу.
- Міндеті: материалдық-техникалық қамтамасыз етуді ұйымдастыру.
Функциялары:
1) Қаржы министрлігі Мемлекеттік мүлік және жекешелендіру комитетінің Мемлекеттік мүлік және жекешелендіру департаментімен негізгі құралдарды қабылдау-беру мәселелерін қарау және келісу;
2) активтерді баланстан мемлекеттік мекемелердің балансына ауыстыруды келісуді жолдау, сондай-ақ көлік құралдарын аукциондық сауда-саттық арқылы сату мәселесін Министрлікке келісу;
3) ұлттық стандарттарға сәйкес келмейтін Қазақстан Республикасының Мемлекеттік рәміздерін насихаттау, қолдану, орналастыру, ауыстыру және жою жөніндегі іс-шараларды жүргізу;
4) материалдық-техникалық қамтамасыз ету бойынша нормативтік құжаттарды (тиістілік және жабдықтау нормалары) әзірлеуге қатысу;
5) құжаттарды министрліктің Техникалық-сараптамалық кеңесінің қарауына дайындау, Департаменттің мүдделі қызметтерімен келісу және Министрлікке ақпарат жіберу.
- Міндеті: азаматтық қорғау органдарының әкімшілік ғимараттары мен құрылыстарын салуды, күрделі жөндеуді ұйымдастыру.
Функциялары:
- Департаменттің әкімшілік ғимараттары мен құрылыстарын салу, күрделі жөндеу мәселелері бойынша құзыретті мемлекеттік органдармен өзара іс-қимылды ұйымдастыру.
- Нормативтік талаптарға сәйкес Департаменттің әкімшілік ғимараттары мен құрылыстарын күрделі жөндеу үшін жобалау құжаттамасын әзірлеуге ұсыныстар енгізу.
3) Құрылыс объектілерінде орындалған және жоспарланған іс-шаралар бойынша есептілікті ұсынуға бақылауды ұйымдастыру.
- 8. Құқықтары мен міндеттері:
1) тылдық қамтамасыз ету саласындағы қызметті ұйымдастыру үшін қажетті мәліметтерді Департаменттің құрылымдық бөлімшелерінен сұратады;
2) топтың құзыретіне жататын мәселелер бойынша азаматтық қорғау органдарының тылдық бөлімшелерінің қызметін жетілдіру бойынша ұсыныстарды әзірлейді және Департамент басшылығына енгізеді;
3) топтың құзыретіне кіретін мәселелер бойынша мемлекеттік органдармен өзара іс-қимыл жасайды;
4) адамның және азаматтың құқықтары мен бостандықтарын бұзумен ұштасатын әрекеттерге жол бермейді;
5) мемлекеттік, еңбек және қызметтік тәртіпті сақтайды, өзінің лауазымдық міндеттерін адал және сапалы орындайды;
6) мемлекеттік, еңбек және қызметтік тәртіпті сақтайды, өзінің лауазымдық міндеттерін адал және сапалы орындайды;
7) қызметті жүзеге асыру кезінде Қазақстан Республикасының Конституциясын, заңдардың және өзге де нормативтік құқықтық актілердің талаптарын сақтайды;
8) сыбайлас жемқорлық құқық бұзушылықтарды жасауға жол бермейді, сыбайлас жемқорлық көріністеріне қарсы тұрады.
- Қазақстан Республикасының заңдарында, Президентінің және Үкіметінің актілерінде белгіленген өзге де міндеттерді, функцияларды, құқықтар мен міндеттерді жүзеге асырады.
3 тарау. Топ қызметін ұйымдастыру.
- Топтың заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктері болады.
- Топтың бас маманы топтың қызметіне жалпы басшылықты жүзеге асырады және өзіне жүктелген міндеттердің орындалуы мен оның өз функцияларын жүзеге асыруы үшін дербес жауапты болады.
- Топ өз жұмысын Департаменттің жұмыс регламентіне сәйкес орындайды.
- Топ құзыретіне кіретін мәселелер бойынша топ атынан Департаменттің басқа құрылымдық бөлімшелеріне жіберілетін құжаттарға Департамент бастығы, ал ол болмаған жағдайда оны алмастыратын адам қол қояды.
___________________________________