ШҚО құтқарушысы «Анама хат» челленджіне қатысты

Акция Халықаралық әйелдер күніне арналып, аналарға деген сүйіспеншілік, қамқорлық және құрметті көрсетеді. Отбасылық құндылықтардың маңыздылығын атап өтіп, ұрпақтар арасындағы байланысты нығайтады.

Қағаз хат смартфон арқылы байланысудан едәуір ерекшеленеді. Мұндай хатты қолға ұстап, сезуге болады, оны сақтау, қайта оқып шығу және болашақ ұрпаққа тапсыру мүмкіндігі бар.

«Мен бұл хатты анама жаздым. Біздің аналарымыз әрқашан мықты тірек болды. Біз кез келген төтенше жағдайдағы жеңісіміздің артында олардың қолдауы мен сенімі барына сенеміз, бұл бізге үлкен күш береді. Мен анам Гулжанатқа мені өмірге әкелгені үшін алғысымды білдіремін», - деді Шығыс Қазақстан облысы, Өскемен қаласындағы №3 өрт сөндіру бөлімінің командирі, азаматтық қорғау старшинасы Берік Толепбек.