Дүниежүзілік Азаматтық қорғаныс Күні аясында құтқарушылар ашық есік күнін өткізді

"Дәстүр бойынша, бұл күні азаматтық қорғау қызметтері азаматтардың назарын қауіпсіздік мәселелеріне аудару үшін өз күштері мен құралдарын көрсетеді. ШҚО ТЖД мен аудандық бөлімшелерде мыңдаған оқушы барған өрт сөндіру бөлімдері, құтқару жасақтары есігін айқара ашты", - деп атап өтті ШҚО ТЖД бастығының орынбасары Исхар Савазов.

ШҚО ТЖД-да апаттық-құтқару құралдарын, зардап шеккендерді іздеуге арналған дрондарды, арнайы костюмдерді, жабдықтарды және төтенше жағдайлар қызметтерінің кең паркін көруге болады. Балалар құтқарушылардың жауынгерлік киімдерін киіп көрді, газқағарлардың түрлері туралы бәрін білді, басталған өртті сөндіруді үйренді және ҚР ТЖМ Апаттар медицинасы орталығының дәрігерлерінен жәбірленушіге қалай көмектесуге болатынын білді.

ҚР ТЖМ 68303 әскери бөлімінің екінші құтқару батальонының әскери қызметшілері өз жабдықтарын көрсетіп, төтенше жағдайлар қызметінің қатарын қалай толықтыру керектігін айтты.

Іс-шараға қатысушылар Құтқарушы болу және адамдарға көмекке келу сезімін сезіне алды.

Сонымен қатар, ШҚО ТЖД қызметкерлері интерактивті сабақтар, викториналар, жарыстар өткізді, онда балалар әрдайым белсенді қатысады және азаматтық қорғаныс жүйесінің даму тарихы туралы біледі.