Зайсан ауданында су тасқынына дайындық жүргізілуде

ШҚО ТЖД бастығы Рашид Блялов Зайсан ауданында болды, жұмыс сапары барысында ТЖ алдын алу және жою жөніндегі комиссияның отырысы өтті. Кеңесте су тасқыны кезеңіне дайындық және алдын алу іс-шараларының барысы белсенді талқыланды.

Рашид Блялов Зайсан қаласындағы, Кенсай, Шалқар, Қаратал және Дайыр елді мекендерінде орналасқан су тасқыны қаупі бар учаскелерді аралап көрді . Аудандағы ағымдағы жағдаймен танысты.

Рашид Блялов: "Су тасқыны қаупін азайтатын және елді мекендерді қорғауды алдын ала қамтамасыз ететін іс-шаралар кешенін уақтылы жүргізу маңызды", - деп атап өтті.

Басты қорытынды - тұрғын үйлер мен тіршілік ету объектілерін су басуға жол бермеу үшін барлық бағыттар бойынша жұмысты күшейту бойынша міндеттер қою.