Сейсмикалық қауіпсіздік мәселелері

ШҚО ТЖД Дағдарыс орталығында сейсмикалық қауіпсіздік мәселелері талқыланған дөңгелек үстел өтті. Іс-шараға облыстың құрылыс, сәулет және қала құрылысы басқармасының және ҚР ТЖМ "Сейсмологиялық байқаулар мен зерттеулердің ұлттық ғылыми орталығы" ЖШС өкілдері қатысты.
ШҚО ТЖД бастығының орынбасары Исхар Савазов өз баяндамасында Шығыс Қазақстан облысы мен Өскемен қаласы үшін сейсмикалық аудандастыру карталарын әзірлеу бойынша іс-шаралар аяқталғанын атап өтті. Карталар жиынтығы ШҚО құрылыс, сәулет және қала құрылысы басқармасына берілді, бұл өз кезегінде құрылыс нормалары мен ережелерін әзірлеу, сондай-ақ осал объектілерді анықтау үшін ғимараттар мен құрылыстарға паспорттау жүргізу үшін негіз болады.
Сейсмикалық аймақтарға бөлуге сәйкес Шығыс Қазақстан облысында 75 сейсмикалық қауіпті елді мекен орналасқан. Облыс аумағында орталық сейсмологиялық обсерваторияға деректерді бере отырып, онлайн режимде жұмыс істейтін 2 сейсмологиялық станция және 12 сейсмодатчик бар.
Құрылыс, сәулет және қала құрылысы басқармасы мамандарының деректері бойынша Шығыс Қазақстан облысының аумағында паспорттауға және сейсмикалық күшейтуге жататын 2 мыңнан астам тұрғын үй және 299 әлеуметтік маңызы бар объект, оның ішінде 164 мектеп, 51 балабақша, 84 Денсаулық сақтау объектісі бар.
Талқылау барысында өңірдің қауіпсіздігі мақсатында инфрақұрылымның тұрақтылығын арттыру қажеттігі атап өтілді.
Жалпы, дөңгелек үстел жемісті өтті, проблемалық мәселелер мен шешу жолдары айқындалды, алдағы уақытта іс-шараға қатысушылардың ынтымақтастығы облыс орталығының ғимараттары мен құрылыстарын паспорттауды іске асыруға бағытталатын болады.