Шығыс Қазақстан облысында тұрғын үйлердегі өрт қауіпсіздігін сақтау мақсатында 125 мыңнан астам үй аралау жұмыстары жүргізілді
БАҚ өкілдерімен өткен брифингте ШҚО ТЖД өкілдері өңірде тұрғын үй секторында өрттің алдын алу бойынша профилактикалық іс-шаралар жалғасып жатқанын хабарлады. Қазіргі уақытта әлеуметтік осал топтар тұратын пешпен жылытылатын 3101 үй толық тексерілді. Азаматтық қорғау органдары, жергілікті атқарушы органдар, полиция, әлеуметтік қорғау және еріктілер өкілдерінен құралған комиссиялық тексерулер екі рет жүргізілді. Алғашқы аралау барысында өрт қауіпсіздігі талаптарын бұзған 1379 үй анықталды. Негізінен, бұзушылықтар пешпен жылытумен байланысты болды: пештердегі жарықтар мен саңылаулар, уақытылы тазаланбаған мұржалар, пеш алдындағы қорғаныш металл табақшалардың болмауы, пеш маңында жанғыш заттардың орналасуы, сондай-ақ электр желілеріне қатысты бұзушылықтар, мысалы, сымдардың қосылуы, ашық сымдар, бекітілмеген электр розеткалары. ТЖД қызметкерлерінің профилактикалық жұмыстарының нәтижесінде қайталама тексерулер барысында анықталған 234 үйде бұзушылықтар толық жойылды. Әр үйдің өкіліне өрт қауіпсіздігі талаптарын сақтау бойынша нұсқаулық берілді.
Кең ауқымды профилактикалық жұмыс өрттен қаза тапқандар санын 7%-ға азайтуға мүмкіндік берді. Жылу беру маусымы басталғалы көмірқышқыл газымен улану жағдайлары өткен жылмен салыстырғанда 47%-ға төмендеді, өртсіз көмірқышқыл газынан қаза тапқандар тіркелген жоқ. Пешпен жылытылатын үйлерде көмірқышқыл газын дер кезінде анықтау үшін әлеуметтік осал топтарға датчиктер орнатылуда. Биылғы жылыту маусымында датчиктер аумақтық жергілікті атқарушы органдармен сатып алынды. 2024-2025 жылдардағы жылыту маусымы басталғалы 812 көмірқышқыл газының датчигі орнатылды. Бүгінгі таңда үйлердің 86%-ы көмірқышқыл газының датчиктерімен қамтамасыз етілген.
Қазіргі уақытта облыста жеке тұрғын секторында тұратын халық арасында 125 мыңнан астам үй аралау жұмыстары жүргізілді. ТЖД мамандарының ұсыныстары тұрғындарға 35 мың бұзушылықты жоюға мүмкіндік берді. Өрт қауіпсіздігі айлығы аясында мұқтаж және қозғалысы шектеулі азаматтарға ШҚО ТЖД аумақтық бөлімшелері жергілікті атқарушы органдармен бірлесіп мұржаларды жиналған күйеден тазарту, пеш жабдықтарындағы жарықтар мен саңылауларды жою, пеш алдындағы қорғаныш металл табақшаларды орнату бойынша көмек көрсетті.
Атап айтқанда, Өскемен қаласы, Шемонаиха, Зайсан, Тарбағатай, Күршім, Глубокое аудандары, Риддер қаласы, Алтай ауданында мұржаларды тазалау және пеш алдындағы қорғаныш металл табақшаларды орнату бойынша көмек көрсетілді. Ұлан, Самар, Шемонаиха және Үлкен Нарын аудандарында пеш жабдықтары мен шатырдағы түтін арналарының жарықтары мен саңылаулары сыланып, әктелді.
Алғаш рет Глубокое ауданында азаматтық қорғау қызметкерлері жергілікті атқарушы органдармен бірлесіп, тұрғын үй жағдайын жақсарту бағдарламасы бойынша жұмыс жүргізді. Бұл бағдарлама мұқтаж отбасыларға жылына бір рет 100 АЕК мөлшерінде пешті немесе тозған электр желілерін ауыстыруға қаражат бөлуді көздейді. Қолданыстағы бағдарламаға сәйкес, есепте тұрған және атаулы әлеуметтік көмек алатын отбасылардың табысы 86 мың теңгеден аз болуы керек, сонда бұл отбасы 100 АЕК мөлшерінде жәрдемақы алуға құқылы. Қазіргі уақытта бұл жоба Глубокое ауданында жүзеге асырылып, үш отбасы, оның ішінде екі көпбалалы және бір аз қамтылған отбасы 100 АЕК мөлшерінде жәрдемақы алды. Бұл қаражат пешті жөндеуге және ауыстыруға жұмсалды.
ШҚО ТЖД еске салады:
Пештерді күйеден тазарту тікелей жылыту маусымы басталар алдында, сондай-ақ жылыту маусымы кезінде жылыту пештері үшін үш айда кемінде бір рет, үздіксіз жұмыс істейтін пештер үшін екі айда кемінде бір рет жүргізілуі тиіс.
Барлық түтін мұржалары мен қабырғалары әктелуі керек.
Пеш алдында 50*70 см өлшемдегі металл қорғаныш табақша болуы тиіс.
Оттан алынған ыстық күл мен шлак арнайы бөлінген орынға шығарылып, сумен сөндірілуі керек.
Пешпен жылытуды қауіпсіз пайдаланудың маңызды факторы - жылыту пешінің дұрыс орнатылуы. Яғни, жылыту пеші жанғыш құрылымдардан өртке қарсы бөліну (қашықтық) нормаларына сәйкес болуы керек.