Қыс мезгілірде қалай аман қалуға болады

Шығыс Қазақстандағы қысқы туризм қарлы табиғат әлеміне енуге мүмкіндік береді. Дегенмен, белсенді демалыс пен таулар қауіпті болуы мүмкін.

Шығыс Қазақстан облысы Төтенше жағдайлар департаментінің құтқарушылары төтенше жағдайға тап болған жағдайда не істеу керектігі жөнінде кеңес берді. Саяхатқа шығарда, ең алдымен, 112 қызметіне маршрутыңыз туралы хабарлаңыз. Ауа-райы жағдайы нашарласа, саяхаттан бас тартыңыз. Жылы және қабат-қабат киініңіз, өзіңізбен бірге міндетті түрде термостағы ыстық шай мен жеңіл тамақ, алғашқы медициналық көмек көрсету қобдишасы, шамдар, фонарь, сіріңке, полиэтилен пакеттер, пышақ, телефон және қосымша қуаттандырғыш алыңыз. Қосымша шұлық, қолғап және қорғаныс көзілдірігін алуды ұмытпаңыз. Егер сіз оларды ұмытып қалсаңыз, оларды қолда бар материалдардан жасаңыз. Мысалы, ағаш қабығынан.

Өзіңіз жасаған баспанада құтқарушыларды күтіңіз, онда шам жағыңыз, полиэтилен пакеттерін киіп аяғыңызды жылытыңыз, олар жылуды сақтайды. Есіңізде болсын, шамның жалыны көгілдір-сары болуы керек, ол қызарған кезде баспанадан шығыңыз, бұл онда көміртегі тотығының жоғары концентрациясы бар екенін білдіреді.