ШҚО-да қар көшкінін мәжбүрлеп түсіру жұмыстары басталды

Көшкін қаупі ошақтары "Өскемен-Самар" (132-137 км) автожолдарының бедеріндегі ең жанданған және күрделі жолдардың бірінде жойылды. Мұндағы тау беткейлеріндегі қар мөлшері 70 см және 8 қар көшкіні ошағы орналасқан. 4 жарылыс жұмыстары нәтидесінде 1900 текше метр қар түсірілді.

"Шығыс Қазақстан Республикадағы қар көшкін қаупі бар өңірлердің бірі болып табылады. "Қазселденқорғау" ШҚ филиалы қызмет көрсететін аумақта қар көшкінінің әсер ету аймағына 325 қар көшкіні ошағы, 93 шақырым автожол ұшырайды. Қарды тұндыру кезінде көптеген процестердің әсерін ескеру қажет. Қар кристалдарының пішіні, мөлшері, пайда болу сипаты мен беткі қабаттың тығыздығы, ауа температурасы, желдің бағыты мен жылдамдығы, астыңғы бетінің параметрлері", - деп атап өтті "Қазселденқорғау"ШҚ филиалының басшысы Советбек Станбеков.

ШҚО ТЖД қар көшкіні болуы мүмкін жерлерден аулақ болуды ұсынады. Қар көшкіні көбінесе 30 градустан асатын тік беткейлерде болады.

Ауа-райы жағдайлары мен көшкін қаупі туралы Сіз "Дармен" мобильді қосымшасынан біле аласыз.

Төтенше жағдай кезінде 112 нөмірі бойынша хабарлау қажет.