Провести новогодние праздники безопасно

Шығыс Қазақстан облысында Төтенше жағдайлар департаменті мен Полиция департаментінің өкілдерінің қатысуымен өткен брифингте жаңа жыл мерекелері кезінде қауіпсіздік шаралары туралы айтылды. Төтенше жағдайлар департаментінің Мемлекеттік өрт бақылауы басқармасының бастығы Нұржан Өміржанов атап өткендей, мерекелік дүрбелеңде адамдар көбінесе қарапайым қауіпсіздік шараларын ұмыт қалдырып, қауіпті пиротехникалық өнімдер, петардалар мен басқа да заттарды сатып алып, қолданады, бұл олардың салдары туралы ойламайтындығын көрсетеді. Сонымен қатар, пиротехникалық құралдарды дұрыс қолданбау жиі жаңа жылдық өрттердің себебі болып, тұрғындардың жарақат алу қаупін тудырады.

«Пиротехникалық заттар мен тұрмыстық мақсаттағы өнімдер бөлшек саудада тек өрт қауіпсіздік ережелеріне және қолдану құжаттар талабына сәйкес өнімнің сақталуын қамтамасыз ете алатын, сонымен қатар жабдықталған күн сәулесі мен жауын-шашын түспеуі үшін барлық қажетті шарттары сақталған сауда орындарында, дүкендердің бөлімдері мен секцияларда, павильондар мен киоскілерде сатылуы қажет. Пиротехникалық заттарды сататын сауда орындары өрт қауіпсіздігі талаптарына сәйкес өрт дабылы мен алғашқы өрт сөндіру құралдарымен жабдықталуы тиіс», - деп атап өтті Төтенше жағдайлар қызметінің мамандары брифингте.

Шығыс Қазақстан облысының Төтенше жағдайлар департаментінің өкілдері пиротехникалық өнімдерді тек мамандандырылған дүкендерден сатып алуды ұсынды. Сонымен қатар, от шашуларды ғимараттар мен құрылыстардан 50 метрден жақын жерге атпауға, желді ауа райында пиротехникалық бұйымдарды қолданбауға кеңес берді.

Өрттерді болдырмау мақсатында, жыл сайын жаңа жыл мерекелері алдында облыстың Төтенше жағдайлар департаменті мен полиция қызметкерлері бірге облыс нарықтарында пиротехникалық өнімдердің заңсыз сауда орындарын анықтау мақсатында рейдтер жүргізеді. Рейдтер барысында сауда объектілерінің басшыларымен түсіндіру жұмыстары жүргізіледі.

Жаңа жылдық іс-шараларға қатысатын 357 объект алдын ала тіркелді. Мектептерде жаңа жылдық шыршалар осы айдың 20-шы күндерінде орнатылатын болады, сондықтан мерекелік шаралар өтетін орындарды тексеру жұмысын желтоқсан айының үшінші декадасына жоспарлауға болады.

Қазіргі уақытта облыста 50 қызметкерден тұратын 15 мобильді топ құрылды.

«Облыс бойынша 189 рейд жүргізілді, пиротехникалық өнімдерді сату кезінде ереже бұзушылықтар анықталды, Глубокое және Ұлан аудандарында 29 пиротехникалық бұйым тәркіленді. Пиротехникалық өнімдердің сертификаты жоқтығы үшін әкімшілік жауапкершілікке ерекше назар аударамыз, ҚР «Әкімшілік құқық бұзушылық туралы» Кодексінің 196 және 483-баптарына сәйкес айыппұл салынады. Сонымен қатар, 436-бап бойынша «Салютты жұмыс күндерінде сағат 23:00-ден кейін іске қосу үшін 5 АЕК көлемінде айыппұл салынатынын, тек жаңа жыл түні, 2024 жылдың 31 желтоқсанынан 2025 жылдың 1 қаңтарына дейін бұл ереже қолданылмайтынын» айтты полиция департаментінің өкілдері.

Қазіргі уақытта облыста пиротехникалық өнімдер сатуға рұқсат алған 4 ұйым бар: 2 - Өскемен қаласында және 2 - Алтай ауданында.

Өскемен қаласында:

«Улан» ЖШС (Виноградова көшесі, 17а, «Дос-Нар» ТД; Бажова көшесі, 331/1, «Самал» ТД; Мызы көшесі, 4, «Оптовый» базары; Ауэзов көшесі, 15, «Колос» ТД);
«СТиК» ЖШС (К-Сатпаев даңғылы, 76/2, «METRO» ТД; Жібек жолы көшесі, 1, «Магнум» ТД; Бажова көшесі, 110, «АДК» ТД).
Алтай қаласында:

«Алтай Салют» ЖШС, Первомайская көшесі, 23/2;
«Алтай Уют» ЖШС, Геологиялық көшесі, 42.
Шығыс Қазақстан облысының Төтенше жағдайлар департаменті пиротехникалық өнімдерді сатып алу кезінде олардың сақтау және сату мерзіміне назар аударуды ескертеді: егер өнімнің мерзімі өтіп кеткен болса, оны қолдануға болмайды. Пиротехникалық құралдарды пайдаланған кезде темекі шегуге және балаларға атқызуға тыйым салынады. Ракеталарды автотұраққа жақын жерден атуға болмайды. Пиротехникалық бұйымдардан 50 метр радиуста өрт қауіпі бар объектілер болмауы тиіс. Көрермендер пускалық алаңнан 15-20 метр қашықтықта болуы қажет.

Жаңа жылдық шырша орнатқанда, оны шығу жолының маңына қоюға болмайды, себебі өрт шыққан жағдайда эвакуация жолы жабылып қалуы мүмкін. Шыршаның негізі тұрақты болуы керек. Шырша жылыту құралдарына жақын қойылмауы тиіс. Шыршаны тек зауыттық электр гирляндаларымен сәндеуге болады, оларды мұқият тексеріп, оқшаулағыштың бүлінбегеніне және өткізгіштердің шырматылмағанына көз жеткізіңіз. Балаларға электр гирляндаларын өз бетінше қосуға рұқсат етпеңіз. Электр желісін артық жүктемеңіз.