Құтқарушылар сыбайлас жемқорлыққа қарсы

Шығыс Қазақстан облысы Төтенше жағдайлар департаментінің кадр және тәрбиелік жұмысы басқармасының инспекторы мен психологы сыбайлас жемқорлыққа қарсы заңнаманың сақталуын қадағалау мақсатында үнемі жұмыс жүргізеді. Сыбайлас жемқорлықпен күресудің халықаралық күні аясында сыбайлас жемқорлыққа қарсы агенттік департаментінің өкілімен кездесу ұйымдастырылды.

Сыбайлас жемқорлыққа қарсы агенттік департаментінің ШҚО бойынша психологы Гульжан Абдиллинова ТЖ қызметкерлерімен трансформациялық ойын өткізді. Шара барысында қатысушылар екі топқа бөлініп, тапсырмаларды орындады. Оларға сыбайлас жемқорлыққа ықпал ететін факторларды нақты мысалдар арқылы анықтау міндеті қойылды. Әр қатысушы заңнаманы сақтау және құқық бұзушылықтарға жауапкершілік туралы білімдерін көрсетті, сонымен қатар өмірдің қиын жағдайларда сыбайлас жемқорлыққа қарсы тұру жолдарын ұсынды.

«Бұл тренингтің мақсаты — ШҚО ТЖД қызметкерлерінің арасында сыбайлас жемқорлыққа қарсы мінез-құлықты қалыптастыру, азаматтық жауапкершілік пен құқықтық сананы тәрбиелеу», — деп атап өтті ШҚО ТЖД бастығының орынбасары Фархат Әмре.

«Сыбайлас жемқорлықты тек бірге тоқтата аламыз, сондықтан мемлекеттік мекемелермен осындай ерекше, бірақ тиімді форматта жұмыс жүргізу әрқашан ұжымда сыбайлас жемқорлыққа қарсы этика мен дүниетаным қалыптастыру үшін өзекті», — деп атап өтті Гульжан Абдиллинова.