Жас құтқарушылар жеңіс үшін шайқасты

Алдағы Қазақстан Республикасының Тәуелсіздік күні аясында қала мектеп оқушыларының басын қосқан жас құтқарушылар арасында жарыстар өтті.

Шара салтанатты жағдайда ашылып, Шығыс Қазақстан облысы Төтенше жағдайлар департаменті бастығы орынбасары Фархат Әміре құттықтау сөз сөйледі.

Командалар алғашқы медициналық көмек көрсету дағдылары, өрт сөндіру және авариялық-құтқару эстафетасы, кедергілерден өту және төтенше жағдайларда әрекет ету дағдылары бойынша жарысты.

«Жарыс серпінді және қызықты өтті. Мектеп оқушыларымен өткізілетін мұндай іс-шаралар біздің департаментте дәстүрге айналған. Жас құтқарушылар өздерінің дағдылары мен төтенше жағдайларда өзін-өзі ұстау ережелерін жетілдіретіндерін дәлелдеді», - деді Фархат Амре.

«Маған қатысу ұнады, ең бастысы, бұл мен үшін маңызды қауіпсіздік ережелері бойынша білім алу үшін пайдалы болды. Ең қиын кезең – арқанға өрмелеп, от эстафетасын еңсеру керек деп ойлаймын», - деп бөлісті №10 мектеп командасының мүшесі Эвелина Құлпиясова.

«Барлық командалар жақсы дайындалды, біз де солай дайындалып едік, кезеңдер оңай болған жоқ, келесі жылы бірінші боламыз деп үміттенеміз», - дейді №22 мектептің жас құтқарушысы Әлижан Мақсұтханов.    

Жас құтқарушылардан құралған 13 жасақ арасында өткен тартысты күресте №4 мектептің балалары жеңіске жетіп, гран-приге ие болды, бірінші орынды №35 мектеп командасы, екінші орынды, бірдей ұпаймен: №26,37,42 мектеп командасы жеңіп алды, үшінші орын N29 орта мектеп оқушылары иеленді.

Жас құтқарушыларға арналған жарыстар бірқатар маңызды міндеттер қояды. Олар өрт сөндірушілер мен құтқарушылар мамандығына қызығушылықтары оянып, теориялық білімдерін практикада қолдануға мүмкіндік береді, ең бастысы балалармен болатын жазатайым оқиғалардың алдын алады.