ШҚО-да қар көшкіні қаупі бар кезең басталды

Шығыс Қазақстан Республикадағы қар көшкіні қаупі бар өңірлердің бірі болып табылады. "Қазселденқорғау" ШҚ филиалы қызмет көрсететін аумақта қар көшкінінің әсер ету аймағына түсетін 325 қар көшкіні шоғырлары, 93 шақырым автожолдар, сондай-ақ мейрам және демалыс күндері демалушылар саны 3000-нан асатын туристік және шаңғы базалары бар.

"Қазселденқорғау" ММ филиалы 20 қарды өлшегіш- қар көшкіні бағытын әзірледі, онда 160 қар өлшегіш төрткіллештер орнатылды, оларда филиал мамандары қызмет көрсетеді. Қар көшкінінің жалпы жай-күйін анықтау мақсатында қар көшкінінің түсу қаупі, қар массасының жиналуы және қардың құрылымын анықтау үшін апта сайын қар көшкініне қауіпті учаскелерді жер үсті зерттеу жүргізіледі.  Демалыс аймақтарында, шаңғы базаларында және автожолдардың бойында қар көшкіні қаупі бар кезеңіне ескерту қалқандары мен плакаттар уақтылы орнатылды", - деп атап өтті"Қазселденқорғау" ШҚ филиалының басшысы Советбек Станбеков.

Қазіргі уақытта аймақтағы қардың биіктігі 5-тен 60 см-ге дейін, қардың ең көп мөлшері Самар ауданында, Риддер қаласында және Глубокое ауданында, Горная Үлбинка кентінде тіркелген.

"Өткен жылы барлық қысқы кезеңде қар көшкінінің жалпы көлемі 230420 м3 болатын 101 профилактикалық түсіру жүргізілді", - деді" Қазселденқорғау " ШҚ филиалының басшысы Советбек Станбеков.

"Тауға шықпас бұрын ауа-райының жағдайы туралы біліп алу қажет. "112" қызметінің дауылды ескертулері кезінде қар көшкініне қауіп төндірмеу керек", - деп ескертті ШҚО ТЖД ТЖ алдын алу басқармасының бастығы Арман Наурызбаев.

ШҚО ТЖД және "Қазселденқорғау" филиалының ШҚ мамандарының деректері бойынша қар көшкіні негізінен қар көп жиналатын таулы аудандарда болады. Қар көшкінінің түсуіне ұзақ қардың жаууы, қардың қарқынды еруі, ауа ортасының ауытқуы, шаңғышылардың қар беткейін кесіп тастауы, қатты айқайлау және беткейлерден сырғанау себеп болуы мүмкін.

Төтенше жағдай кезінде 112 нөмірі бойынша хабарлаңыз.