Балабақшадағы өрт сабағы

Балалар мен қызметкерлер өрт кезінде әрекет етуді үйренді, ШҚО ТЖД өрт сөндірушілері сөндіру тактикасын пысықтады.

Сабақтың жоспары бойынша шартты өрт балабақшаның ойын залында орын алды. Түтін дәліздер мен бөлмелерге тез тарала бастады. Өрт шыққан ғимараттан эвакуация басталды: қызметшілер мен балалар тез, дүрбелеңсіз және бір-бірлерін итермей, ғимараттан ұйымдасқан түрде шықты.

Бірнеше минут ішінде өрт сөндіру бөлімдерінің кезекші қарауылдары шартты өрт орнына келе бастады. Бір минутты жоғалтпай, өрт сөндірушілер шартты өртті барлауға және жоюға кірісті. Ғимарат аумағында болжамды өрт ошағын болама сөндіру жүргізілді.

Газ-түтіннен қорғау қызметінің қызметкерлері ықтимал зардап шеккендерге барлау жүргізді. Олар табылды және шартты жану ошағынан эвакуацияланды.

Оқу-жаттығу барысында адамдарды эвакуациялау кезінде өрт есептеулері мен балабақша қызметкерлерінің өзара іс-қимылы пысықталды, мектепке дейінгі мекемеде өрт туындаған кезде өрт сөндіру қызметінің күштері мен құралдарының шұғыл әрекет етуге дайындығы тексерілді.

Қызметкерлер эвакуацияны тез және сауатты ұйымдастыра білді. Балалар дүрбелеңге түспей, қорықпай, дұрыс әрекет етуді үйренді. 

"Балабақшада өртті сөндіру тактикасы пысықталып, зардап шеккендерді барлауға және іздеуге ерекше көңіл бөлінді. Балалар көбінесе қорқыныштан жасырына бастайды, бұл жағдайды қиындатады. Кішкентай зардап шеккендерді табу үшін түтін шалған бөлменің әр бұрышын қарау керек" - Максим Храмцов – өрт сөндіру қызметінің жедел кезекшісінің орынбасары.