Глубокое ауданындағы су тасқынына қарсы жұмыстар

Глубокое ауданында өткен жылдың күзінде жауған мол жауын-шашын топырақты орташа жылдық көрсеткіштерден жоғары ылғалдандырды, желтоқсандағы ұзаққа созылған аяз шағын өзендер мен бұлақтардың ағындарының жағдайына теріс әсер етті, бұл олардың қатуына әкелді. Наурыз айында температура фонының күрт көтерілуі және жаңбыр түріндегі жауын-шашын биік жерлерден еріген су көлемінің ұлғаюына әкелді. Осыған байланысты ауданда гидрологиялық жағдайға тұрақты мониторинг жүргізу және тәулік бойы кезекшілікті ұйымдастыру арқылы еріген қар суын өткізуді сүйемелдеу бойынша жұмыстар жүргізілуде.
Ауданның су объектілерінде су деңгейінің көтерілуін анықтау үшін бақылау белгілері қойылған. Су тасқыны қаупі бар елді мекендерден 9 мың текше метрден астам қар шығарылды. Арықтарды, су өткізу құрылыстарын тазарту, мұзды механикалық ұсақтау бойынша жұмыстар жүргізілді: 12 канал, 49 арық тазартылды және тереңдетілді, 8 көпір және авто және темір жолдардағы 91 су өткізу құрылыстары тазартылды.
Қазіргі уақытта аудан бойынша гидрологиялық жағдай тұрақты. Өзендердегі су деңгейі сыни белгілерден төмен.
Естеріңізге сала кетейік, Глубокое ауданында тасқын және еріген су басуы ықтимал 15 елді мекен есепке алынған.
Жағдай күрделене түскен жағдайда жергілікті атқарушы органдар мен азаматтық қорғау қызметтері құралымдарының күштері мен құралдарын 170 адам, 144 бірлік техника, 2 бірлік жүзу құралдары және 29 мотопомпалар, инертті материалдар - 100 тонна топтастыру қалыптастырылды