Бұқтырма өзенінде мұз жарылды

Бұқтырма өзеніндегі кептелістің алдын алу мақсатында Катонқарағай ауданы Барлық ауылында жарылыс жұмыстары жүргізілді.

"Бұл жұмысты жергілікті атқарушы органдар, қауіпсіздікті қамтамасыз еткен құтқарушылар және мамандандырылған ұйым жүргізді. Біздің міндетіміз – кептелістерді болдырмау және су деңгейінің күрт көтерілуінің алдын алу. Мұзды ұсақтау жұмыстары мұзды босатуға және көктемгі су тасқынын қауіпсіз етуге көмектеседі. Жарылыс жұмыстарының жалпы ауданы 7800 текше метр",- деп атап өтті ШҚО ТЖД бастығының орынбасары Қуатбек Кенжебекұлы.