Суда құтқару бойынша көпсайыс турнирі

Өскеменде әскерге шақырылғанға дейінгі жастар арасында суда құтқару көпсайысы бойынша алтыншы облыстық турнирі өтті. ШҚО Төтенше жағдайлар департаменті бастығының орынбасары Айдын Мұстафин жарыстың ашылу мәресінде, қатысушыларға спорттық жетістіктер мен жоғары нәтижелер тіледі. Жарысқа әскери-патриоттық спорт клубтары мен жас құтқарушылар мектебінен 15 пен 18 жас аралығындағы 42 спортшылар қатысты.

Спорттық шара қалалық жүзу бассейнінде төтенше жағдайлар қызметі қызметкерлері мен Апаттар медицинасы орталығының дәрігерлерінің жіті назарында өтті. «Қатысушылар 25 метрлік еркін жүзу қашықтығын тез жүріп өтіп, зардап шегушіні тасымалдауға, құтқару құралдарымен жүзуге және суға батып бара жатқан адамға сауатты көмек көрсету ережесімен жарысты», - деп атап өтті №29 қосымша білім беру мектеп-орталығының директоры. Евгений Шатурный.

Қорытынды бойынша орындар келесідей бөлінді: 1-орынды No17 мектеп оқушыларының командасы, 2-орынды No34 мектеп, 3-орынды Облыстық IT мектебі иеленді. Құтқарушылар суға батып бара жатқан адамға алғашқы көмек көрсету бойынша шеберлік сабағын өткізді.

«Жарыс судағы төтенше жағдайлардың алдын алуға, қауіпсіздік мәдениетін арттыруға және өскелең ұрпақты тәрбиелеуге назар аударуға бағытталған», - деп атап өтті ШҚО ТЖД бастығының орынбасары Айдын Мұстафин.