ШҚО - да өздігінен қар көшкіні жүрді
ШҚО - да қар көшкінінің өздігінен тусуі болды "Қазселденқорғау" ММ ақпараты бойынша 2024 жылғы 15 ақпанда облыстық маңызы бар "Өскемен-Горная Ульбинка - Северное" автожолының учаскесінде жауын-шашынның көп түсуіне және желдің күшеюіне байланысты жалпы көлемі 600 текше метр қар көшкінінің өздігінен түсуі болды. Алдын ала жол жабылды.
Зардап шеккендер мен қиратулар жоқ. Қазіргі уақытта учаске жол қызметтерінің техникасымен тазартылуда. Жол жабық күйінде қалады.
"Қазселденқорғау" ШҚ филиалының басшысы Советбек Станбеков атап өткендей: "өңірде қар көшкінінің өздігінен түсу мүмкіндігі туралы дауылды ескерту жарияланды, осыған байланысты біз облыс тұрғындары мен қонақтарына тауға барудан бас тартуды ұсындық. Көптеген қар көшкіні қаупі бар ошақтар автомобиль жолдарына қауіп төндіреді, бірақ біз алдын ала беткейлерден қар массаларын бақыланатын түсіру жұмыстарын жүргіздік, осылайша тұрғындар мен автомобиль жолдарының учаскелері арқылы өтетін көліктердің қауіпсіздігін қамтамасыз етеміз. Алдағы күндері бұл профилактикалық жұмыс жалғасады".
ШҚО ТЖД өңірде қар көшкіні қаупі сақталатынын хабарлайды. Халыққа құтқарушылардың ұсыныстарын елемей, таулы жерлерге және қар көшкіні қаупі бар учаскелерге бармауы керек.
Төтенше жағдай кезінде 112 нөмірі бойынша хабарлау қажет