ШҚО ТЖД құтқарушылары дабыл қағуда, тұрғындар өрт қауіпсіздігі ережелерін сақтамайды
Жылыту кезеңі басталғаннан бері ШҚО ТЖД мамандары 150 000-ға жуық үйді аралап, тұрғындарға өрт қауіпсіздігі ережелерін түсіндіріп, жылыту пешін дұрыс пайдалану бойынша нұсқаулықтар өткізді. Әлеуметтік қорғалмаған азаматтардың үйлеріне қауіпті газды анықтауға және бұл туралы азаматтарға ескертуге мүмкіндік беретін 2000-нан астам көміртегі тотығы датчигі орнатылды. Үйлерді аралау кезінде өрт қауіпсіздігі ережелерінің 30 000-нан астам бұзушылығы анықталды, олардың 13 000-нан астамы пешпен жылытуға байланысты.
Алайда, өңірде өрт қауіпсіздігі ережелерін бұза отырып пайдаланған пештерден 17 азамат зардап шекті, оның 10-ы балалар. Олар дәрігерлердің көмегіне мұқтаж медициналық мекемелерге жатқызылды. Оқиғалардың негізгі себебі уақтылы тазаланбаған түтін мұржалары, пештердің тиісті күйде болмауы (жарықтар, күйіктер).
Соңғы оқиға 14 қаңтарда Өскемен қаласында болды. Үй иелері, Щербаков көшесінде 1981 жылы туған ер адам және 1976 жылы туған әйел көміртегі тотығымен уланып ауруханаға жатқызылды. Көміртегі тотығының әсерінен олардың 2015 жылы туған қызы сол жерде қайтыс болды. Осы факт бойынша материалдарды жинау барысында көміртегі тотығымен улану қатты отынмен жылытылатын пешті пайдалану кезінде өрт қауіпсіздігі ережелерін сақтамау себебінен алынғаны, атап айтқанда, өрт шыкпай жылыту пешінің жарықтарынан жану газдары шыққаны анықталды.
14 қаңтарда Глубокое ауданында Белоусовка кентінде Пушкин көшесінде жеке тұрғын үйде өрт болды. Тұрғын бөлмеде жиһаз, жеке заттар, тұрмыстық техника өртенген. Келген өрт сөндірушілер 16 шаршы метр алаңда өртті сөндірді. өртті барлау барысында дәлізде газ-түтіннен қорғау қызметінің буыны 1992 жылы туған қайтыс болған адамды тапты. Өрттің алдын – ала себебі-төсекте темекі шегу кезінде өрт қауіпсіздігі талаптарын сақтамау.
"Біз дабыл қағып жатырмыз. Тұрғындар өз үйлеріндегі қауіпсіздік шаралары туралы ойлануы керек. Бүгінгі таңда жалғыз шара-азаматтардың хабардар болуы және бұзушылықтарды уақтылы жою. Тұрғындар сақтық шараларын сақтауы керек, мұржаларды тазалау кезінде жарықтар мен ақауларды жою қажет. Жылыту кезеңінде пештерді тазалау кемінде 3 айда бір рет жүргізілуі тиіс. Түтін арналары өтетін пештер, құбырлар мен қабырғалардың беттері ақаусыз, жарықсыз, ал шатырларда – сыланған және әктелген болуы тиіс. От жағу пешін жылыту ұйықтар алдында кемінде 2 сағат бұрын тоқтатылуы тиіс. Оттықтардан қазылған күл мен қожға су төгіп, ғимараттардан кемінде 15 метр қашықтықта орналасқан жерге алып тастау керек. Пешті үй-жайлардың жанатын конструкцияларына жақын орнатуға тыйым салынады. Бұл жағдайда шегініс қарастырылған. Желдетуді үнемі тексеріп отырыңыз", - деп түсіндірді ШҚО ТЖД Мемлекеттік өрт бақылау басқармасының бастығы Нұржан Өміржанов.