Тағы бір сөндірілмеген темекі тұқылы Риддер қаласындағы пәтерде өрттің себебі болды

Риддер қаласында Тәуелсіздік көшесінде үшінші қабаттағы балкон өртенді. Оқиға орнына келген өрт сөндіру бөлімшелері түтін аймағынан 6 тұрғынды жедел эвакуациялады, оның ішінде бір бала бар. Өрт 3 шаршы метр аумақта сөндірілді. Балконның пластикалық бөлшектері жанып кетті.
Өрт себебі бойынша - темекі шегу кезіндегі абайсыздық нұсқасы пысықталуда.

ШҚО ТЖД ескертеді! Өрт қауіпсіздігі ережелерін сақтаңыз.

Балкондағы өрттің алдын алу үшін:

- ашық отты қолданбаңыз;

- темекі шекпеңіз, тіпті сөндірілген темекіні қағаздар мен басқа да жанғыш қалдықтары бар қоқыс жәшіктеріне тастамаңыз – олар өртеніп кетуі мүмкін;

-қағаздан жасалған қорапты сіріңке немесе темекі қораптарын күл салғыш ретінде қолдануға болмайды.

-балкондардан немесе терезелерден лақтырылған темекі тұқылдары ескі заттар жиі сақталатын төменгі қабаттардағы балкондарға немесе лоджияларға түсіп, өрт тудыруы мүмкін.

- балкондарды жанғыш материалдармен, ескі жиһаздармен, қоқыс  және отқа азық бола алатын басқа заттармен қаптамау керек

- пәтерден шыққан кезде әрқашан балкондардың терезелері мен есіктерін жабыңыз, оларға кішкене балалардың кіруін шектеңіз

- пәтерде мүмкіндігінше алғашқы өрт сөндіру құралдарының болуы  керек.

Күнделікті өмірде өрт қауіпсіздігінің қарапайым ережелерін сақтау өрт ошағының пайда болуын болдырмауға, тұрғындардың өмірін қорғауға, сондай-ақ әкімшілік жауапкершіліктен құтқаруға мүмкіндік береді.

Өрт болған кезде дереу 101 немесе 112 нөміріне хабарлаңыз.