Өскемендегі өрт сөндірушілер бес қабатты үйдегі өрт кезінде 15 тұрғынды құтқарды

24 қарашада Өскемен қаласындағы Свобода көшесінде 5 қабатты үйдегі пәтерде өрт шықты.  ШҚО ТЖД Өрт сөндіру қызметі жоғары шақыру нөмірімен оқиға орнына шықты. Келген кезде өрт сөндірушілер 1 қабаттың терезесінен қатты түтін шыққанын көрді. Қатты түтін арасында  терезенің жанында тұрған адамды байқап қалды. Дереу баспалдақпен өрт сөндірушілер пәтердің терезесіне кіріп, 2 адамды құтқарды:  1967 жылы туған пәтер иесі және 1936 жылы туған оның әкесі еді.
Қалың түтін тұрғын үйдің кіреберісінің қабаттарына таралған, газ-түтіннен қорғаушылардың жедел буындары баспалдақ арқылы құтқару қалпақтарының көмегімен 6 тұрғын мен үш баланы өрт сөндірушілер көтеріп алып шықты.  4 - ші қабаттағы пәтерден,  автосатының көмегімен тағы 6 бала құтқарылды.
Осы уақытта бір  мезгілде өртті сөндіру жүргізілді. Өрт 6 шаршы метр аумақта толығымен сөндірілді. құрбандар мен зардап шеккендер жоқ.
Өртті сөндіруге жеке құрамның 21 адамы және 7 бірлік техника жұмылдырылды.
Өрт себебі бойынша электр жабдықтарын пайдалану кезінде өрт қауіпсіздігі талаптарын сақтамау нұсқасы пысықталуда.
ШҚО ТЖД Өрт қауіпсіздігі ережелерін сақтауды еске салады:
- ешбір жағдайда үйден шыққан кезде электр құрылғыларын қосулы қалдырмаңыз;
- өртке әкелуі мүмкін бұзушылықтарды уақтылы жойыңыз
- бір розеткаға бірден бірнеше электр құрылғыларын қоспаңыз.

Өрт кезіндегі тәртіп ережелері:
- өрт кезінде дереу "101" немесе "112"нөмірлеріне хабарласыңыз;
- дүрбелеңге түспеңіз;
- өрт сөндірушілер келгенге дейін адамдарды эвакуациялау бойынша шаралар қабылдаңыз, көршілерге хабарлаңыз;
-электр қуатын өшіріңіз;
- баспалдақпен жүріңіз, өрт кезінде лифтті пайдалануға тыйым салынады.
- егер шығу есіктерынде кедергі болса, есіктердегі барлық жарықтарды дымқыл шүберекпен жабыңыз, көмекке шақырыңыз, өрт сөндірушілердің қауіпсіз аймаққа келуін күтіңіз (балкон, үйдің шатыры). Еденге еңкейіп, аузыңыз бен мұрныңызды дымқыл шүберекпен жабыңыз.
- балконда өрт ошағына оттегінің келуін тоқтату үшін есікті мықтап жабыңыз. Бұл құтқарудың қосымша уақыты.