ШҚО су айдындарында қаза болу себебі-демалушылардың күштерін асыра бағалау

ШҚО ТЖД мамандары су айдындарында азаматтардың қаза болу фактілеріне талдау жүргізді. Жаздың басынан бері аймақта 6 адам суға батып кетті. Олардың 5-уі азаматтардың күштерін асыра  бағалау себебінен болды. Барлық жазатайым оқиғалар рұқсат етілмеген жағажайларда тіркелгенін ескерген жөн.

Төтенше жағдайлар қызметінің мәліметтері бойынша, жүзуді жақсы білетін адаммен инфаркт, инсульт, жылу соққысы, естен тануы мүмкін - көптеген жағдайлар бар. Сондықтан тәуекелге барудың және өз мүмкіндіктеріңізді асыра бағалаудың қажеті жоқ.

"Жаз бойы біз халыққа түбі зерттелмеген су айдындарында шомылу, кезекші құтқарушылар жоқ, күшті ағым өте қауіпті екенін хабарлаймыз. Су айдындарындағы оқиғалардың алдын алу мақсатында біз 2900-ден астам рейд ұйымдастырдық, 15000-нан астам адамға нұсқау бердік. Шомылу маусымының соңына дейін апта сайын су бетінде патрульдеу болды. Отбасымен демалу кезінде балаларға ерекше назар аудару керек. Оларды бір минутқа да көзден таса қылуға  болмайды", - деп түсіндірді ШҚО ТЖД бастығының орынбасары Арман Тоқанов.

Алдын алудан басқа, полиция қызметкерлерімен бірлесіп патрульдеу жүргізу кезінде бұзушыларға "Әкімшілік құқық бұзушылық туралы" ҚР Кодексінің 364, 412, 582, 440-баптарына сәйкес әкімшілік ықпал ету шаралары қолданылды. 73 құқық бұзушы айыппұл түрінде және 37 - ескерту түрінде тартылды.

ШҚО ТЖД су айдындарындағы қауіпсіздік ережелерін қатаң сақтауды сұрайды:

- тек жабдықталған жағажайларда жүзу

- жүзе алмасаңыз, суға кірмеңіз

- шомылу кезінде бір-бірін көз алдында ұстаңыз

- қалқымалар мен қоршау белгілерінен а алыс жүзбеңіз

- қайықтарға жақын жүзбеңіз

- қайықтардан, көпірлерден және айлақтардан суға секірмеңіз

- түнде және мас күйінде шомылуға болмайды

- балаларды бір минутқа қараусыз қалдырмаңыз.

Төтенше жағдай кезінде 112 нөмірі бойынша хабарлаңыз.