Отпен күрестегі жанкештілік
Өскемен қаласының №7 өрт сөндіру бөлімінің қарауыл бастығы Жағыпаров Ерлікке қарап өзінің қарапайым да қауіпті кәсібінің нағыз жанкүйері екенін түсінесің. Өрт сөндірушілер қатарында 10 жыл өткеніне қарамастан, ол қызметке деген құлшынысы артпаса кеміген.
"Мамандыққа кездейсоқ келдім, отқа қасқая қарсы тұрып, адамдарға араша түсу кезіндегі қаншама тәуекелге қарамастан кәсібімді шын жүректен жақсы көріп кеттім. Қызықты жұмыс, сіз бұдан кейін не болатынын ешқашан білмейсіз. Сіз ауысымға келгенде бірден дамыл таппастан жұмыс басталып кетеді, кейде күрделі өрт немесе басқа да қиын оқиғалар болып жатады, өйткені біздің өрт сөндіру бөлімі қаладағы ең көп шақыртуларға баратын бөлім, кей күні шақырту көп болмаса да өзіндік ерекшеліктері де болады» - деп бөлісті Ерлік.
"Мен газ баллондарын толтыратын қоймадағы өртті сөндірген оқиғаны есіме түсіремін. Қорқынышты болмады деп жасырмаймын. Бірақ менің қарауылым барлық қиындықтарды еңсеріп, өртті сөндірді. Адамдарды құтқаруға тура келген кездер де болды. От лаулаған ғимаратқа немесе үйге барған кезде, автоматты түрде әрекет етесің. Содан кейін бір кезде өзіңіздің шатырда жүргеніңіз, айналаның бәрі қып-қызыл шоқ. Ішіне кіре де алмайсың, температура жоғары. Терезе ойығынан кезекпен тұрып оқпанмен жұмыс істедік. Тағы бірде көпқабатты үйдегі өртті сөндіріп, ер адамды пәтерден алып шығып, құтқарғанымыз есімде. Қою қара түтіннен тыныс алу мүмкін емес еді. Бірақта құтқардық, үлгердік....».
Әр өрттен кейін біз талдау жасаймыз: қате жіберсең келесіде оған жол бермеу үшін кемшіліктерді ескереміз, оң жақтарын көрсетеміз. Қарауыл бастығы ретінде мен жеке құрамға сабақты өзім өткіземін. Жаттығулардан басқа, біз теорияны да зерделейміз, жеңдерді жауынгерлік орналастыру дағдыларын жетілдіреміз, үнемі дене шынықтырумен айналысамыз.
Өртте бәрі тең. Бірақ, мен, қарауыл бастығы ретінде, әріптестерім үшін, өртті сөндіру барысы үшін жауаптымын. Жаңадан келген қызметкерлерге қарап жүру керек. Мен олар үшін ерекше алаңдаймын. Қарауыл бастығының тағы бір маңызды функциясы-ұжымды біріктіру. Қарауыл отбасы сияқты болуы керек деп бекер айтылмаған. Егер сіз адамның не істей алатынын білмесеңіз, сізге және басқаларға қауіп төндіретін жерге бару қауіпті. Сіз жұмылған жұдырықтай болып бір команда болып жұмыс істеуіңіз керек.
Жұмыстан бос уақытымда отбасыммен өткіземін. Мен спортты жақсы көремін. 2017 жылы өрт сөндіру-құтқару спорт элементтері бар кроссфиттен Қазақстан өрт сөндірушілері арасында бірінші орынды иелендім. Менің отбасым менің қызметіме түсіністікпен қарайды, бірақ олар уайымдап отырады. Менің әйелім, тағдырдың қалауымен де құтқарушылар қатарында болды, ол Өскемен қаласындағы №8 өрт сөндіру бөлімінің диспетчері. Сондықтан, таразы басында қызмет пен борышқа қатысты мәселе тұрғанда барлығын бір сөзбен түсінеді...