Қауіпті электр энергиясы

ШҚО ТЖД мамандары өңірде жыл басынан бері электр аспаптарын пайдалану кезінде өрт қауіпсіздігі ережелерін сақтамау себебінен тұрғын үй секторында 19 өрт және электр жабдықтарын тиісінше пайдаланбау кезінде 26 өрт тіркелгенін хабарлады.

Статистика бойынша ең өрт қауіптісі ұзартқыштар мен "фильтр" болып табылады, оларға халық бірден бірнеше электр аспаптарын және ұзақ уақыт бойы қосады, бұл пайдалану паспортында көзделмеген.

ШҚО ТЖД тұрғындарға мынаны еске салады:

- ақауы бар электр жабдықтарын пайдалануға тыйым салынады;

- қорғаныш қасиеттері зақымдалған немесе жоғалған оқшаулағышы бар сымдар мен кабельдерді қолдануға болмайды;

- оқшауланбаған электр сымдарын, кабельдерді және пайдаланылмаған электр желілерін кернеуде қалдырмаңыз;

- зақымдалған электр өнімдерін пайдаланбаңыз;

- электр сымдары мен кабельдерді байлап, бұрауға болмайды;

- нормативтік құжаттармен қадағалаусыз пайдалануға рұқсат етілетін аспаптарды қоспағанда (тоңазытқыштар, факстар, модемдер және басқа да осындай жабдықтар) электр желісіне қосылған жылыту аспаптарын, электр плиталарын, теледидарларды және басқа да аспаптар мен жабдықтарды қараусыз қалдырмаңыз.