ШҚО құтқарушылары аймақтағы су тасқыны жағдайы туралы айтты
ШҚО ТЖД ТЖ алдын алу басқармасының аға инженері Аяулым Кекиева ШҚО ақпараттық орталығында өткен брифингте 10 наурыздағы жағдай бойынша Қазгидромет филиалының деректері бойынша облыстың 6 ауданда: Тарбағатай, Катонқарағай, Зайсан, Өскемен қ., Ұлан және Күршім 50 см-ден астам топырақтың қату тереңдігі байқалатынын, қар жамылғысының қалыңдығы 8 см-ден (Зайсан ауданы) 87 см-ге дейін (Алтай ауданы) хабарлады.
Бүгінгі таңда облыс аумағында 14 047 адам тұратын 5 007 тұрғын үй орналасқан тасқын және еріген су басуға ықтимал 71 елді мекен анықталды. Жергілікті атқарушы органдардың өткізілген іс-шараларды нәтижесінде 15 елді мекенінде қауіп жойылды, 46 елді мекенде қауіп азайтылды.
Облыс әкімінің нұсқауы бойынша қалалар мен аудандардың әкімдіктері 140 шақырым каналдарды және 376 шақырым арықтарды тазарту және тереңдету жұмыстарын жүргізді. Автомобиль жолдарда 1688 су өткізу құрылыстары, темір жолдардағы 90 су өткізу құрылыстары, 299 көпір тазартылды. Республикалық жолдар бойынша 334 су өткізу құрылыстары, 85 көпір тазартылды. Облыстық жолдарда 1545 су өткізу құрылыстары, 85 көпір тазартылды. 454 мың текше метр қар шығарылды, 53 мың дана қап, 2 мың тоннадан астам инертті материалдар, 251 тонна ЖЖМ дайындалды
Алдын алу іс-шаралары шеңберінде мұзды жару жұмыстары барлық жоспарланған аудандарында, атап айтқанда Шемонаиха ауданында 5 учаскеде, Күршім ауданында 3 учаскеде, Алтай ауданында 5 учаскеде және Катонқарағай ауданында 1 учаскеде жүргізілді.
Шығыс Қазақстан облысы әкімінің орынбасары Ержан Нұрбаевтың төрағалығымен ШҚО ТЖД қызметкерлерінің және тиісті ұйымдардың мамандарымен Глубокое ауданының, Риддер қаласының, Алтай ауданының, Катонқарағай, Күршім аудандарының және Самар ауданының су тасқыны қаупі бар жерлеріне әуеден барлау жүргізілді.
Әуеден барлау кезінде жазық аумақта қардың белсенді еру кезеңі жүріп жатқаны анықталды.
Барланған аумақтарда өзендердің арнасынан асуы және су тасқыны анықталған жоқ. Бұқтырма, Үлбі ірі өзендерінің арналары мен су қоймаларының беттері мұзбен жабылған. Қалжыр өзенінің арнасы мұздан енді ғана ашыла бастады.
Су тасқыны жағдай қиындаған кезеңге жергілікті атқарушы органдар мен азаматтық қорғау қызметтерінен жеке құрам саны 1 719 адамнан, 756 бірлік техникадан, 83 бірлік жүзу құралдары және 224 мотопомпалардан тұратын күштері мен құралдар топтарстырылды, жалпы сыйымдылығы 14530 адамды құрайтын 121 халықты уақытша орналастыру пункті анықталды.
Су тасқыны кезеңіндегі іс әрекет туралы халықты ақпараттандыру мақсатында Департамент қызметкерлері тұрақты негізде аулаларды аралап және жиындар өткізеді, бүгінгі күні 15 мыңнан астам аулаларды аралау жүргізілді, нәтижесінде 11 мыңнан астам жадынама-ұсынымдар табыс етілді, Халықпен 356 жиын өткізілді.