ШҚО-да өткен демалыс күндері 5 өрт болды, өрт сөндірушілер пәтер иесін құтқарды

Өңірде 10-13 ақпан аралығында тұрғын үй секторында 5 өрт болды. Алтай ауданында, 2 - Риддер қаласында, 1 - Өскеменде екі өрт болды. 5 өрттің 3-уі пештерді салу және пайдалану кезінде өрт қауіпсіздігі талаптарын сақтамау, 1-уі отты абайсыз пайдалану себебінен және 1-уі темекі шегу кезінде орын алды.

11 ақпанда Риддер қаласында Абай даңғылындағы тұрғын үйдің 4-қабатындағы пәтерде өрт шықты. Өрт сөндіру бөлімшелері келген кезде жиһаз, жеке заттар жанып жатты. газ-түтіннен қорғау қызметінің буыны барлау жүргізу барысында 1978 жылы туған пәтер иесін таза ауаға шығарды. Жедел жәрдем дәрігерлерінің тексеруінен кейін ол ауруханаға жатқызуды қажет етпеді.

ШҚО ТЖД Өрт сөндіру қызметі 20 ш. м. алаңда өртті сөндірді. Өртті сөндіруге барлығы 11 жеке құрам мен 3 бірлік техника жұмылдырылды. Өрттің себебі төсекте темекі шегу болды.

ШҚО ТЖД тұрғындарға өрт қауіпсіздігі ережелерін сақтауды ескертеді.

- Пеште ағашты және басқа жанғыш материалдарды кептірмеңіз

-Ешбір жағдайда ашық есіктері бар пештерді жағуға, оларды қараусыз қалдыруға, сондай-ақ балаларға жанып жатқан пештерді қадағалауды тапсыруға болмайды.

- Қыста еш қиындықсыз жылыну үшін пешті ең алдымен дұрыс салу  керек. Пештің есіктері мен үрлегіштің жұмыс істейтініне көз жеткізіңіз, ал пештің өзінде жарықтар болмауы тиіс. еденде пештің алдында өлшемі 50х70 сантиметр болатын металл парақ болуы керек.

- Мұржаларды уақытында тазалаңыз

-Ешбір жағдайда төсекте темекі шегуге жол бермеңіз. Жанып тұрған темекі қауіпті, өйткені ол төсек-орын жабдықтарын және басқа жанғыш материалдарды тұтатып қана қоймай, сонымен қатар бөлменің қатты түтінденуіне ықпал етеді, бұл ыдырау өнімдерімен улануды және тіпті адамның өлімін тудырады. Отпен абайсызда жұмыс істеуге жол бермеңіз. Өртке әкелуі мүмкін бұзушылықтарды уақтылы жойыңыз.

Өрт кезінде 101 немесе 112 нөмірлері бойынша хабарлау қажет.