Алға, құтқарушылар!

ШҚО ТЖД құтқарушылары Қазақстан Республикасының Тәуелсіздік күніне орай Өскемен қаласының мектептері арасында жарыс өткізді. 10 команда жәбірленушіге алғашқы медициналық көмек көрсету дағдыларында, өрт эстафетасында сынға түсіп, онда жауынгерлік киімді мүмкіндігінше тез киіп, кедергілерді ең жақсы уақытты көрсете отырып еңсеру керек. Сондай-ақ, командалар қазылар алқасына өздерінің жарқын формаларын ұсынды және оларға қиын жарыстарда рухты көтеруге серпін беретін  ұрандарын айтты.
№19 және №4 мектеп оқушылары жеңімпаз атанды, олар үздік нәтиже көрсетті, №37 мектеп командасы екінші, №36 орта мектеп оқушылары үшінші орынды иеленді.
"Жарыс қарқынды және қызықты өтті. Оқушылармен мұндай іс-шаралар өткізу біздің Департаментте дәстүрге айналған. Жарысқа тән бәсекелестіктің жалпы атмосферасына қарамастан, жастар жеңіске жетуден гөрі көп нәрсеге ие болады, олар азаматтық қорғау, төтенше жағдайлар кезіндегі іс-қимыл және төтенше жағдайлар кезінде зардап шеккендерге алғашқы көмек көрсету саласында білім мен практикалық дағдыларға ие болады. Жас спортшылар өз бетінше жұмыс істеп, қиын маршруттар мен төтенше жағдайларды еңсеру деңгейін арттырып жатқанын дәлелдеді", - деп атап өтті ШҚО ТЖД бастығының орынбасары Арман Тоқанов.
"Маған жарыстарға қатысу ұнады, бұл экстремалды болды, ең бастысы ТЖ кезінде қауіпсіз жүріс-тұрыс негіздерін үйрету үшін пайдалы болды. Мен үшін ең қиын кезең арқанмен өрмелеу болды", -деп бөлісті №37 мектептің команда мүшесі Ислана Рыспек.
        "Барлық командалар жақсы дайындалған , бізге де кезеңдер оңай болған жоқ, келесі жылы бірінші боламыз деп үміттенеміз", - деді № 42 мектептің жас құтқарушысы Мәди Құмарбеков.        
         Жеңімпаздар ШҚО ТЖД құтқарушыларының грамоталарымен марапатталды