Алтай аймағында жанып жатқан бұталар мен шөптерді сөндіруді жалғастыруда

ШҚО ТЖД өрт сөндірушілері, жергілікті атқарушы органдар, орманшылар, "Қазавиаорманқорғау" "Зырян орман шаруашылығы" КММ және "Быков орманшылығы" аумағында шөптер мен бұталарды шарпыған отпен күресуді жалғастыруда. Таудағы жетуі қиын жерлер өрт сөндіру процесін қиындатуда, оған арнайы техника жете алмайды. Суағар құрылғысы бар МИ-8 тікұшағы жалынды ауадан тыныштандыруға көмектеседі. Елді мекендерге төнетін қауіптің алдын алды. ШҚО ТЖД мен өрт орнында жедел штабтардың тәулік бойы жұмысы ұйымдастырылған. Өртті сөндіруге ШҚО ТЖД, орман шаруашылығы, ЖАО және Қазавиаорманқорғаудан  340-тан астам адам мен 25 техника жұмылдырылды.

     Қазіргі уақытта алдын ала болжам бойынша өрт алаңы 367 Га құрады, оның ішінде 167 Га-ормансыз аймақ және 200 Га - ауылдық округтің жерлері, шөп.
    Сонымен қатар, өңірде өрт қауіптілігінің жоғары сыныбы сақталуда. Мамандар аудандардағы жағдайды термонүктелер  бойынша деректер ала отырып, космомониторингтің көмегімен бақылайды.