ШҚО құтқарушылары ең қауіпті суға шомылу орындарын атады
Жазғы кезеңде құтқарушылардың алдында су айдындарындағы адамдардың қауіпсіздігін қамтамасыз ету міндеті тұр. Суға шомылуға тыйым салынған қауіпті жерлер Шығыс Қазақстан облысы ТЖ қызметінің офицерлерінің басты назарында. 2022 жылыдың жаз мезгілі басталғаннан бері облыста 6 адам суға кетті. Суда қаза болғандардың негізгі пайызы дәл осы рұқсат етілмеген су айдындарында тіркелген. Ең қауіпті деп танылған Ұлан ауданында орналасқан көлдері, онда статистикаға сәйкес 6 азаматтың 4-і суға батып кетті. Бұл су айдындардың су түбі тексерілмеген және ол жерлерде кезекші құтқарушылар, медициналық персонал жоқ, тереңдігі шамамен 15-20 метрді құрайды.
Бүгінгі күні өңірде құқық бұзғандары үшін 770 адам әкімшілік жауапкершілікке тартылды, оның ішінде: 364 - бап «Ортақ су пайдалану ережелерін бұзу» бойынша - 221 адам, 440-бап «Алкогольдік ішімдіктер ішу немесе қоғамдық орындарда масаң күйде болу» бойынша-531 азамат, 412-бап бойынша «Су айдындарындағы қауіпсіздік қағидаларын бұзу немесе орындамау»1 адам жауапкершілікке тартылды. Демалыс күндері демалушылардың белсенді ағынымен құтқарушылар ықтимал қайғылы жағдайлардың алдын алу үшін жоғарыда көрсетілген «жабайы» учаскелерге мониторинг жүргізеді. Бұл жолы олар Алебастр және Сібе көліндері аумағында болып, суға шомылуға жабдықталмаған жерлерде болу қаупі туралы халықпен нұсқаулық өткізді және зардап шегушіге алғашқы көмек көрсету бойынша мастер-класс өткізді. Алғашқы медициналық көмек көрсетуді меңгеру және оны қолдана білу кез-келген азамат үшін маңызды.
Адамды қайта тірілту мүмкіндігі қиын емес, бірақ керек нюанстарды ұмытпаған жөн. Мысалы, жәбірленушінің басын мүмкіндігінше артқа лақтырып, мұрнын жауып, жасанды тыныс алуды «аузына» жасаңыз. Жүрек массажын тікелей қолдарыңызбен жасау керек, оларды кеуде қуысының төменгі бөлігіне қойыңыз. 30 рет басу, жиілігі 1 секундта 1 басу, 2 рет тыныс алу. Дәрігерлер келгенге дейін осылай жалғастыру керек - деп түсіндірді ШҚО ТЖД бастығының орынбасары Арман Тоқанов.
ШҚО Төтенше жағдайлар департаменті облыс тұрғындарына демалыста өздеріне және жақындарына өте мұқият болуды және судағы қауіпсіздік қағидаларының қарапайым ережелерін ұмытпауды ұсынады, атап айтқанда:
- жабдықталмаған орындарда шомылмауға ;
- балаларды қараусыз қалдырмауға;
- мас күйінде шомылмау;
- техникалық және ескерту белгілеріне, буйкаларға көтерілмеңіз;
- жағалауда және киім ауыстыратын бөлмелерде демалушыларға жарақат әкелуі мүмкін қоқыстарды қалдырмауға;
- қайықтардан, катерлерден, сондай-ақ осы мақсаттарға бейімделмеген құрылыстардан суға секірмеуге.
Төтенше жағдайлар кезінде «101» және «112» қоңырау шалыңыз.