ШҚО құтқарушылары көп пәтерлі үйдегі өрт кезінде қалай әрекет ету керектігі туралы шеберлік-сағатын өткізді

Өскемен қаласындағы тұрғын үйдегі 3 қабатта пәтер жанып жатыр. Абырой  болғанда бұл -  өрт-тактикалық жаттығулардың сценарийі ғана.

          "Нысан кездейсоқ таңдалған жоқ, өйткені жыл басынан бері облыста көп пәтерлі үйлерде 32 өрт болды. Олардың негізгі пайызы электр құралдарын пайдалану кезінде өрт қауіпсіздігі талаптарын сақтамау, отты абайсыз пайдалану себебінен болады. Өрт сөндірушілер осындай оқу-жаттығуларды үнемі өткізеді, өйткені олар құтқарушыларға адамдардың өмірі мен денсаулығына тікелей байланысты өздерінің кәсіби шеберліктерін үнемі шыңдауға көмектеседі" – қаласының ТЖБ аға анықтаушысы Әуез Талғатұлы.

      "Көп пәтерлі үйдегі өртті сөндіру оңай емес, кейде от тез арада қабаттарға таралады. Өрт сөндірушілер үшін жекелеген басты мәселе аулаға арнайы техникамен кіру болып қала береді. Тұрғын үй ғимараттары әрқашан қауіптілігі жоғары аймақта болады, ал көптеген тұраққа қойылған машиналар өрт сөндіру машинасының өрт орнына жетуіне жол бермейді. Кейде өрт жеңдерін бүкіл аула арқылы созуға тура келеді. Әр сәт санаулы кезде осының бәріне уақыт шығындалады" – деді Өскемен қаласының № 7 өрт сөндіру бөлімі бастығының орынбасары Серік Нұрғалиев.    

      Оқу-жаттығу өрт сөндіру бөлімшелері жеке құрамының құтқару жұмыстарын жүргізуге және өрттерді сөндіруге дайындығын тексеру, азаматтарды эвакуациялау қағидаларына оқыту мақсатында өткізілді.

        Аңыз бойынша шартты өрт 3-қабаттағы пәтерде пайда болды. Жанып жатқан пәтерде адамдар болуы мүмкін. Оқиға орнына өрт туралы белгі түскеннен кейін қаланың құтқару бөлімдерінің күштері мен құралдары дереу келді. Адамдарды құтқару үшін "өмір Кубы" мен автосаты орналастырылды.  Кәсіби іс-қимылдардың арқасында қысқа мерзімде адамдар құтқарылып, эвакуацияланды, ал шартты өрт жойылды.

         Оқу-жаттығу соңында ШҚО ТЖД қызметкерлері үй тұрғындарымен өрт қауіпсіздігі ережелері туралы әңгіме жүргізіп, оларды қатаң сақтауға шақырды.