Назар аударыңыз, автокөлік иелері: көліктер жанып жатыр

      Шығыс Қазақстанда 2022 жылдың басынан бері автокөлікте 77 өрт болды, оның 65-і жеңіл автокөліктерде.  Соңғы өрт кеше Семей қаласында болды. 2014 ж.ш., "Chevrolet Сruze" маркалы автокөлігінде уақытша тұру кезінде қозғалтқыш бөлігінің жанғыш бөлшектері, аспаптар панелі, салонның ішкі қаптамасы, 4 ш. м. алаңдағы жеке заттар жанып кетті.

   Көліктегі өрттердің негізгі себебі:

- көлік құралы жүйелерінің, тораптарының және механизмдерінің ақаулығы;

- көлік құралының электр жабдықтарының ақаулығы;

- көлік құралына тікелей жақын жерде өрт қауіпті от жұмыстарын жүргізу кезінде ұшқындардың, металдың қызған бөлшектерінің түсуі.

- электрмен жылыту құралдарын пайдалану кезінде өрт қауіпсіздігі ережелерін бұзу.

      ШҚО ТЖД автокөлікте өрт қауіпсіздігі ережелерін сақтау туралы ескертеді:

- Уақытында техникалық қызмет көрсетуден өтіңіз;

- Магнитоланы, дабылды, қозғалтқышты іске қосу алдындағы жылытқышты тек мамандандырылған орталықтарда орнатыңыз.

- Барлық электр жабдықтарының жарамдылығын бақылаңыз.
- Қозғалтқыштың отын аппаратурасының герметикалығын, сондай-ақ жарамдылығын бақылаңыз.

- Мотор бөлігінде бөгде, жанғыш заттарды ұстамаңыз-шүберек, картон және т. б.

- Автокөлік салонында әрқашан ұнтақты өрт сөндіргіш болуы керек. Оның жарамдылық мерзімін тексеріңіз.

Өрт болған жағдайда "101" немесе "112"нөмірі бойынша хабарлаңыз.