Семей қаласының құтқарушылары көп қабатты үйдің түтіндеуі кезінде 27 тұрғынды эвакуациялады

Семей қаласында құтқарушылар он қабатты тұрғын үйдің тұрғындарына көмекке келді. 31-мамыр күні 20 сағат 30 минутта үйдің  4-ші қабатында орналасқан электр щитте электр сымдарының қысқа тұйықталуы салдарынан тұтану орын алған. Түтін қою болғандықтан, қауіпсіздік мақсатында, құтқарушылар 27 адамды, оның ішінде 7 баланы эвакуациялады. ТЖ қызметінің қызметкерлері желдетуді жүргізіп,  тұрғындар өз пәтерлеріне аман-есен оралды.
ШҚО ТЖД Өрт қауіпсіздігі ережелерін сақтауды еске салады. Өрт болған жағдайда 101 немесе 112 нөмірі бойынша хабарлау қажет.