Өрт қауіпсіздігі ережелері туралы сабақ

Өрт қауіпсіздігі ережелері туралы сабақ

Семей қ. ТЖБ Мемлекеттік өрт бақылау бөлімінің қызметкері азаматтық қорғау лейтенанты М. Ж. Кожанова № 4 Жалпы орта білім беретін мектептің бастауыш сынып оқушыларымен ашық сабақ өткізді.

Оқытудың негізгі әдісі ретінде қызықты әңгімелер және өрт тақырыбы бойынша жұмбақтарды шешетін ойындар қолданылды. Жалпы, мұндай ойындар мектеп оқушыларын оқытуда маңызды орын алуы керек. Олар алған білімдерін бекітіп қана қоймай, жеке біліктері мен дағдыларын пысықтауға, оқушыларда өрт қауіпсіздігі ережелері туралы түсініктерін қалыптастыруға мүмкіндік береді. Сабақ соңында оқушыларға өрт қауіпсіздігі бойынша дәптерлер мен көрнекі жадынамалар таратылды.

Өрт қауіпсіздігі ережелерін дәстүрлі емес формаларымен оқыту бойынша осы сабақтың тұжырымдамасында балалар мен жасөспірімдердің санасында жеке және ұжымдық өрт қауіпсіздігі сезімін қалыптастыру, өрттің қауіптілігін тану және бағалау дағдыларын, сондай-ақ өртпен байланысты төтенше жағдайларда қауіпсіз мінез-құлықты қалыптастыру идеясы жатыр. Балалардың санасына отты ұқыпсыз пайдаланудың кесірінен жазатайым оқиғалар туындайтының жеткізу.

СЕМЕЙ қ. ТЖ басқармасы өрт кезінде өзін қалай ұстау керектігін еске салады!

Өзінің және жақындарының өмірін сақтап қалу үшін әр адам өрт кезінде өзін-өзі ұстаудың негізгі ережелерін білуі тиіс:

  1. Түтін иісі шыққан жағдайда дереу "101" немесе "112" телефондарына қоңырау шалыңыз;
  2. Мүмкін болса, терезелер мен есіктерді жауып, бөлмеден шығыңыз; егер жоқ болса, балконға шығыңыз немесе терезенің жанында тұрыңыз;
  3. Егер өрт ошағы кішкентай болса, оны өзіңіз жеңуге тырысыңыз: сумен, құммен, өрт сөндіргішпен, кез-келген тығыз матамен, гүл құмыраларындағы құммен;
  4. Кіре берісте аздаған түтіндеу болған жағдайда, еңбектеп, қабырғалардан ұстап, шығтын жерге қарай жылжыңыз, бұл ретте, егер мүмкін болса, тыныс алу органдарын матамен жабыңыз, егер жоқ болса—деміңізді мүмкіндігінше ұзақ ұстаңыз.

Өте қауіпті, сондықтан тыйым салынады:

  1. Түтін өте улы болғандықтан және ыстық ауа өкпені күйдіруі мүмкіндіктен, қатты түтіндеген дәлізге шығу;
  2. Жанып жатқан бөлмеде терезелерді сындыру және ашу, себебі таза ауаға қол жеткізгенде от одан да қатты жанады;
  3. Өрт кезінде лифтіні пайдалану;
  4. Терезелерден секіру. 3 және одан жоғары қабаттағы әрбір екінші секіру-өлімге әкеледі.
  5. Егер сіз бірнеше секундта жанып жатқан бөлмеден өтіп кететініне сенімді болмасаңыз, өтуге болмайды.

 

ӘР ТҮРЛІ ЖАҒДАЙЛАРДА ЖЕКЕ ҚАУІПСІЗДІК ЕРЕЖЕЛЕРІН САҚТАУДЫ ҰМЫТПАҢЫЗ!