ШҚО-да күрт жылынудың салдарынан көшкін қайта түсті

​ 4 сәуірде сағат 13: 31-де Катонқарағай ауданында, жергілікті маңызы бар "Согорное-Барлық" автожолында, 16-шы километрде жалпы көлемі 2300 текше метр қар көшкіні өздігінен түсті, қар массасы жолды толығымен жауып тастады. Қаза болғандар мен зардап шеккендер жоқ. Қазіргі уақытта жергілікті атқарушы органдардың күшімен жолды тазалау жұмыстары жүргізілуде.
ШҚО ТЖД құтқарушылары мен "Қазселденқорғау" ШҚ филиалының мамандары 07 сәуірге дейін аймақта көшкін қаупі туралы ескерту жариялады.
Шығыс Қазақстанда автожолдар бойындағы 20 ошақ аса қауіпті болып табылады. Осыған байланысты, ШҚО ТЖД тұрғындарына тауға шықпауды, көшкін қаупі бар ошақтардың жанынан өтіп тоқтамауды, қауіпті аймақтан тез өтуді ұсынады.
Есіңізде болсын, қар көшкіні қаупі қатты қардан, қатты желден, температураның кенеттен өзгеруінен кейін 3 күн бойы сақталады.
Төтенше жағдай туындаған кезде " 112 " нөміріне қоңырау шалыңыз