Ағымдағы су тасқыны жағдайы және қысқы кезеңінің қорытындылары туралы
Шығыс Қазақстан облысының ақпараттық орталығында өткен брифингте ШҚО ТЖД ТЖ жою басқармасының бастығы Ринат Қондыбаев өткен қысқы кезеңнің қорытындысын шығарды. Ол өңірде автомобиль көлігінің қозғалысына шектеу облыс жолдарында 40 рет енгізілгенін, 12 авариялық-құтқару жұмыстары жүргізілгенін, 7 адам эвакуацияланғанын айтты. Жедел әрекет арқасында қаза тапқандар болған жоқ.
Автомобиль жолдарында қысқы кезеңде Шығыс Қазақстан облысында 19 жылыту пункті және 33 жол бойындағы кафе, 4 трассалық медициналық-құтқару пункті жұмыс істеді. ТМҚП 26 рет жолға шықты, нәтижесінде 25 адам эвакуацияланды, 66 зардап шегушіге медициналық көмек көрсетілді, 20 адам ауруханаға жатқызылды.
"Қазгидромет" филиалымен бірлесіп дауылды ескертулерді алу және барлық мүдделі мемлекеттік органдар мен қызметтерге дереу жеткізу бойынша тұрақты негізде өзара іс-қимыл ұйымдастырылды. Облыс аумағында 55 дауылды ескерту жарияланды.
Халыққа ақпарат ұялы байланыс операторлары арқылы және "DARMEN"мобильді қосымшасы арқылы SMS хабарламалар жіберу арқылы да жеткізілді.
Онлайн-кездесуде ШҚО ТЖД ТЖ алдын алу басқармасының бастығы Алексей Штыкелдің айтуынша, қазіргі уақытта облыста қар еру кезеңі байқалады. Облыс аумағының қармен жабылған ауданы 73% құрайды. Қар жамылғысының биіктігі 1 см-ден (Өскемен, Аягөз қалалары) 137 см-ге дейін (Күршім ауданы-Марқакөл қорығы).Топырақтың еруі байқалады. Гидрологиялық жағдай тұрақты, өзендер мен су айдындарында мұздың ашылуы байқалады. Ағымдағы айда Ертіс, Уба, Бұқтырма, Күршім өзендерінің учаскелерінде (Семей қаласында, Алтай ауданында, ШҚО Бородулиха, Шемонаиха, Күршім, Катонқарағай аудандарында) 15 елді мекенде жарылыс жұмыстары жүргізілді. Ұсақтаудың жалпы ауданы 160 мың шаршы метрден асады.
Су тасқыны жағдайына мониторинг жүргізу мақсатында 2 аэровизуалды тексеру жүргізілді. Көшелерде, жүретін бөліктерде, үй маңындағы аумақтарда еріген суды сору мақсатында жергілікті атқарушы органдардың коммуналдық қызметтері ШҚО ТЖД техникасымен және қызметкерлерімен бірлесіп іске қосылды. Облыс бойынша 31824 текше метр су сорылды, бұл ретте 121 бірлік техника, 96 мотопомпа, жеке құрамның 422 адамы жұмылдырылды.
Бүгінгі күні тұрғын үйлерді су басу фактілері тіркелген жоқ. Қар жиналуына және мұз жағдайына мониторинг жалғасуда.
Облыс әкімі аппаратының жұмылдыру дайындығы бөлімінің басшысы Еркен Сәрсембинов облыс аумағында жоғары дайындық режимі, тәулік бойы кезекшілік ұйымдастырылғанын, су тасқыны қаупі бар жерлерге мониторинг жүргізілгенін атап өтті. Қалалар мен аудандар әкімдіктері, мүдделі мемлекеттік органдар су тасқынына қарсы іс-шаралар жоспарын іске асыруды жалғастыруда. 1 сәуірдегі жағдай бойынша қалалар мен аудандардың әкімдіктері су тасқынына қарсы жоспарланған жұмыстарды аяқтады (99%). 399 мың текше метр қар шығарылды, 3908 су өткізу құрылыстары, 588 км арықтар мен арналар, 578 көпір тазартылды. 104 мың дана қаптар, 6,7 мың тонна инертті материалдар, ЖЖМ-690 тонна дайындалды. Техника мен мотопомпалар дайындыққа келтірілді, эвакуациялық пункттер дайындалды, онда уақытша болу үшін жағдайлар жасалды, қажетті шарттар жасалды. Су тасқынына қарсы іс-шаралардың Жол картасы бойынша 2022 жылға жалпы сомасы 231,5 млн.теңгеге 13 іс-шара жоспарланған.
Тарбағатай, Катонқарағай және Бесқарағай аудандарында 6 іс-шараны іске асыру үшін облыстық бюджеттен 80 млн.теңге бөлінді. Қалған 7 іс-шара (Катонқарағай ауданының 4 іс-шарасы, Алтай ауданының 2 іс-шарасы және Аягөз ауданының 1 іс-шарасы) аудандық бюджет қаражаты есебінен жалпы сомасы 151,558 млн.теңгеге іске асырылатын болады.
"Қазгидромет" РМК ШҚО бойынша филиалының директоры Адель Ахметов облыс бойынша қату тереңдігі 21-ден 104 см-ге дейін құрайтынын, кей жерлерде топырақтың толық еруі байқалатынын айтты. 2022 жылғы 1-4 сәуір аралығында Шығыс Қазақстан облысы өзендерінің бассейндерінде оң ауа температурасының болжамына байланысты қарқынды қар еруі, мұз құбылыстарының әлсіреуі, жергілікті және еңіс ағындардың пайда болуы және өзендерде су деңгейлерінің көтерілуі күтіледі. Су жайылуы және су басуы мүмкін. Екінші онкүндіктің ортасында найзағай ойнап, ауа температурасы түнде 1-6° жылыға дейін, күндіз 21-26° дейін, онкүндіктің соңында ауа температурасы түнде 0-5° аязға дейін, күндіз 8-13° жылуға дейін төмендейді деп болжанады. Үшінші онкүндікте тұрақсыз ауа райы күтіледі - ылғалды қарға көшумен жаңбыр жауады, түнде температура 2-7° дейін төмендейді, күндіз 7-12° дейін жоғарылайды .