Мұз жарылды. ШҚО құтқарушылары су тасқынына қарсы іс-шараларды өткізуді жалғастыруда

Шығыс Қазақстанда облыс өзендерінде жарылыс жұмыстары жалғасуда. Бүгін мұз Бұқтырма өзенінде Малеевка және Тұрғысын кенттерінің маңында жарылды,бұл су тасқыны қаупі бар учаскелер жыл сайын ТЖ қызметінің, жергілікті атқарушы органдардың назарында болады.Мұнда мұздың қалыңдығы 51-ден 90 сантиметрге дейін.
"Жарылыс жұмыстары мұзды жасанды түрде әлсіретуге бағытталған. Бұл тиімді шара аймақ тұрғындары үшін көктемгі су тасқынының жағымсыз салдарын азайтуға мүмкіндік береді. Бұл жұмыс аяқталмайды. Су тасқынына қарсы іс - шаралар жалғасуда", - деп атап өтті ШҚО ТЖД ТЖ алдын алу басқармасының бастығы Алексей Штыкель.
Қазіргі уақытта барлығы 18 су тасқыны қаупі бар учаскелердің 10-ы пысықталды.
Малеевка және Тұрғысын кенттерінің ауданында ұсақтаудың жалпы көлемі 49356 шаршы метрді құрады, 3428 килограмм жарылғыш зат жұмсалды.
Жарушы мамандармен жұмыс жүргізу үшін 2 учаскеде 1371 тесік бұрғыланды, оған 10 сағат жұмсалды және жеке құрамнан 23 адам,4 қарда жүретін көлік қатысты.