ШҚО-да өткен брифингте су тасқынына ерекше дайындық режимі талқыланды

Шығыс Қазақстан облысының ақпараттық орталығында бұқаралық ақпарат құралдарының қатысуымен брифинг өтті. Кездесудің басты мәселесі су тасқыны қаупі бар кезең және оған дайындық болды.
Су тасқыны біздің облыс үшін күтілетін құбылыс және іс жүзінде барлық аумақта, әсіресе таулы аудандардың өзендерінде байқалады. Облыс аумағы бойынша 800-ге жуық өзен ағып өтеді, олардың жалпы ұзындығы 10 мың шақырымнан асады. Көп жылдық синоптикалық болжам бойынша облыс өзендеріндегі су тасқыны наурыздың екінші онкүндігінде басталып, маусымның екінші онкүндігінің ортасына дейін созылады.
​ ​ ​ ​ ​ ​ ​ ​ ​ ​ ​ ​ ​ШҚО ТЖД алдын алу басқармасының бастығы Алексей Штыкелдің мәліметінше, облыс аумағында ықтимал тасқын және еріген суларға ұшыраған 108 елді мекен бар, онда 23576 адам тұратын 7682 тұрғын үй орналасқан. Өңірде су тасқыны қаупі бар учаскелерді аралау жүргізілді, Күршім, Бұқтырма, Тұрғысын өзендері, Кіші Үлбі су қоймасы тексерілді. Судың мұзға шығуы, аумақтар мен елді мекендерді су басуы байқалмағаны анықталды.
​ Облыс аумағында жоғары дайындық режимі жұмыс істейді, әкімдіктерде тәулік бойы кезекшілік ұйымдастырылды, су тасқыны қаупі бар жерлерге мониторинг жүргізілді.
Кезек күттірмейтін шығындарға және төтенше жағдайларды жоюға арналған бюджеттерде қажетті қаражат көзделген, барлығы 2,6 миллиард, оның ішінде 1.2 миллиард облыстық резервте.
Облыс әкімі аппаратының жұмылдыру дайындығы бөлімінің басшысы Еркен Сәрсембинов: "304 мың текше метр қар шығарылды, автомобиль және темір жолдардағы су өткізу құрылыстары, сондай-ақ көпірлер, арықтар мен каналдар тазартылды. 104 мың дана қаптар, 6,7 мың тонна инертті материалдар, ЖЖМ-690 тонна дайындалды.
3 наурыздан бастап облыстың 7 ауданында Бұқтырма, Ертіс, Күршім, Уба өзендерінде мұзды жару бойынша профилактикалық жарылыс жұмыстары басталды. 3-5 наурыз аралығында Бородулиха, Шемонаиха аудандарында және Семей қаласында жалпы ауданы 29 мың 896 шаршы метр жұмыстар жүргізілді. ​
Әзірлікте 2000 бірлік техника мен 200 мотопомпа бар, 111 эвакопункт, 1000 жатын орын және асхана керек-жарақтарының жиынтығы дайындалды, 300 орындық шатырлы лагерь орналастырылды.
​ Жағдайды мониторингілеу үшін бірыңғай ақпараттық чат іске қосылды.
​ ​ ​ ​ ​ ​ ​ ​ ​ ​Қазгидрометтің ШҚО бойынша филиалының директоры Адель Ахметов өз баяндамасында қазіргі уақытта өңірде гидрологиялық жағдай тұрақты өзендерде, қысқы сабалық, шағын өзендерде мұз жамылғысының бұзылуының көктемгі процестері байқалатынын айтты. Су деңгейі сыни белгілерден төмен. Наурыздың екінші онкүндігінде ауа-райының тұрақсыз сипаты жиі күтіледі. Жауын-шашынның бірінші жартысында негізінен қар түрінде, екінші жартысында жаңбыр мен ылғалды қар түрінде болады. Кей жерлерде тұман, көктайғақ, бұрқасын, екпіні 15-20 м/с жел тұрады.
Ауа температурасы түнде 5-10° аязға, күндіз 0-5° ыстыққа, шығыста 3° аязға дейін көтеріледі деп күтілуде. Наурыздың үшінші онкүндігінде жауын-шашын (жаңбыр, қар) онкүндіктің басында және соңында жиі болжанады. Онкүндіктің екінші жартысында екпінді жел.
​
​ ШҚО ТЖД баспасөз қызметі